قصيده ومجاراة لـ الشاعر حسن السرحاني مع الشاعر هايل السرحاني

هايل

راح الزمان الي مضى لا تمناه ،،، يرجع على نسمة هبوب الشمالي
نسيت عمرك الا تحاول تناساه ،،، شف ويش سوت فيك سود الليالي
شف صاحبك يبحث عن المال والجاه ،،،،، يشري جماهيره بخشم الريالي
يمناه تعطي للمصور بيسراه،،،، يجيب له منشد بمجده يلالي
ونت التهيت بقيس مدري بليلاه ،،،، الله يستر لا تصير انعزالي
قم شوف لك شغله على شان تنساه،،،،، الي سقاك المر يا شيب حالي
رح للبياضي ونشده عن وصاياه ،،،، قل له عسى بيت القصيدة خيالي



حسن


الوقت ياهايل كثيره ضحاياه... ياقل من مثلي مع الوقت سالي
‏انا اختلف عنكم حبالي مطواه... غزالتي قردي وقردي غزالي
‏الصاحب الي يشري المجد والجاه.. بضاعته مصيرها لزوالي
‏خلوني اقضي تالي العمر لله.. لا تشغلوني مع هبوب الشمالي

الله الله مجا راه بين شاعرين من الوزن الثقيل الله يعطيهم العافيه ويعطيك العافيه يا سعود
وتقبلوا تحيا تي

يعطيك ألف عافية..............

الله يعطيك العافية

( غزالتي قردي وقردي غزالي ) هههههههههههههههههههه لله درك يابو زياد وصح لسانك ملايين وصح لسانك ياهايل وكلكم عمالقة شعر ماشاء الله عليكم