تحية وعرفان لسبيع الغلبا

بمناسبة زيارة شيوخ قبايل سبيع اكرر هذه الخاطرة واحييهم عند شيخ الشمل واتذكر هذا الموقف النبيل لاحد أبناء سبيع الغلبا حفظه الله ::::: حيث انه اوفى معي واجبر المماطل على ان يسدني حقي أولا وقبل ان ينهي معه بعض المصالح قال له خلص البلوي وبعدين يكون خير ..... واوفى بوعده بعد مرور خمس أعوام..... جزاه الله خير

الوفا ما مات

قالوا الوفا مات..... وغدى مدفون .....
قلت: الخير في الضماير موجود ...

الوفا ما مات و لا يمكن انه يهون ...
قالوا: اجل هات الدليل وهات الشهود ....

بريق المال صار الكثير به مفتون ....
كماليات حاست مفاهيم وضيعت عهود ...

قلت الاصايل تحفظ العهد وتصون....
وماتنسى الي علموه لنا الجدود ....

الطيب ما ينساه الي كلامه مثمون ....
ولاتغويه النفس او شيطان نمرود ....

الوفاء في منجم الطيب ذهب مكنون
يثمنه الي بهم الشهامه والكرم مشهود

"سبيع" ربي لهم يعز ويحفظ ويصون
الي خلوا يومي كله خير وسعود

يوم اودعو المماطل بحقي بالسجون
وطريق النصب خلوه عليه مسدود

ولا همهم الي امتلت جيوبه والبطون
وامتلك عماير وفيلا وموتر ممدود

ومن ع كرسي المدير امره مايعصون
وقول ساطي وقدم ثابت وظهر مسنود

الزموه الرجاجيل بدفع حق مضمون
قالوا له ارضي البلوي... وثم لنا عود

الوفا خصلة اصيلة في خلايا الطيبين
والنعم في سبيع الي فيهم العز مشهود

وصلوا ع الي فتح لنا العقل والعيون
ع الخيرات وانذر الي بالشرور مقرود

مع التحية @ابوفيصل