هناء جميع قصائد الرثاء بالعقيد عبدالله بن صالح بن رويحل

استشهدالعقيد//عبدالله بن صالح بن رويحل السحيمي البلوي
قائد سرية الصيانه باللواء الثامن عشر أثناء قيامه بمهمه
بالحد الجنوبي للمملكه هذا اليوم الاربعاء الموافق 1436/8/30

عند ما اعلن نباء استشهاد ه
تفاعل الكثير من الشعراء مع هذا الحادث الاليم

نعرض لكم بعض من القصائد التي تفاعل شعرائها مع هذا الحدث


رحمك الله ياعبدالله. وتقبلك من الشهداء.
انا لله وانا اليه راجعون.
دعاءكم له بالرحمة والمغفره.



اخر شهر شعبان وبداية الصـوم
راح العقـيد اللي علــينا فقــــيده
ابن رويـحل طيـب الذكر مرحـوم
مرحوم ياراع السجايا الحميده
عزالله انـه قرم من خـــيرة قـــروم
لكن عزانا فيـه روحـه شـهيــده
دون الوطن ركـز على الفرس والروم
روحه غـدت دون الوطن والعقيده
كب الاهل والمال والعمر محسـوم
واليوم عند الـرب عـالي رصيــــده
معصوم بأذن الله عن النار معصوم
هـذا وعـد ربـــي وحــنا عــبـيـده

عبدالكريم الصويدر

*******************************************
يالله يالمعبود ياعالم السر
تفرج من هم بالحشى لا يزيدي
قالوا تصبر قلت لبد نصبر
يوم علموني بابو صالح شهيدي
من عادته يمشي على الموت الاحمر
ماهو من اللي بالملاق يعيدي
من ساس ربعن للمراجل تحضر
هذي عوايدهم ماهو جديدي
يالله عساه بجنة الخلد يحشر
يالله عسى لي طلبتن تستجيبي
ياصالح نبغى مثل ابوك تذكر
ويذكر تاريخك بالصحف والجريدي
حر ولد حر و عقب لنا حر
يالله عسى هو العوض بالفقيدي

مرثية محمد عوده"أبو عبدالهادي"
*************************************


ابن الرويحل باقياً حي مامات
هذا الشهيد الله رفع في مقامه
هذا كلام الله بديع السماوات
ارواحهم ترفع اليوم القيامه
يالله عسى ملفاه حوراً وجنات
تكفيه دعوة صايماً في صيامه
فادى بروحه يوم قاد المهمات
نزل على ريع الخطر في صرامه
ولاهي غريبه من وريث البطولات
جده عقيد القوم يوم الزعامه
مرزوق يوم الطلب والملاقات
لاخيل العرفاء يفك الجهامه
ودون الوطن والدين مابه مروات
كل ابلوين يحتزم في حزامه


الشاعر/قاسم عبدالله البلوي
********************************************
سميت بالمعبود وابديت ماخفيت
حزناً بوسط القلب ركز صوابه
جاني خبر نكد علي ماتهنيت
عبدالله الصالح استشهد جنابه
ابن رويحل والنعم فيه خصيت
على الكرم والطيب يتعب ركابه
من ساس ربعاً بالشجاعه لهم صيت
بلي ونعم الساس قوم الصحابه
بلي اذا ضاقت عليك وتعزويت
نعماً بهم مليون وقت الحرابه
صديقهم مرتاح في اوسط البيت
وعدوهم يعيش جو الكئابه
بلي رجال العز ان رحت وان جيت
ساس الشجاعه والكرم والمهابه
وبختامها يالله يامحيي الميت
تغفر لعبدالله خفف حسابه
في جنة الفردوس يارب له بيت
وسع عليه قبره وطهر ترابه

الشاعر :
محمد سويكت الجعفري العنزي

*****************************************


قصيده في الشهيد/ عبدالله صالح ابن رويحل السحيمي البلوي مخاطبا اكبر ابنائه صالح

ياصالح العمر .. مايبقى على حاله
كلن يجيه الفنآ ~ وألهمه .. ألهمه


ترى الوطن مايقوم > إلا على ارجاله
وابوك شال الوطن ~ واسقاه من دمه


والموت واحد !! ولكن للرجل / فاله
اما على المجد ،، والا تلحقه ذمه


وابوك لولا الغلا .. ياصالح > إلحاله
بالمقبره ~ ماتشوف الناس ملتمه


عبدالله الي باللقى .." علم اجياله
ان الشجاعه تبي ~ رجالن مطمه


اليا برك للحمل .. لا تقول ماشاله !
يشيل ..شيال الحمل ..والحمل / خمه


عبدالله الي .. له العليا ~ ولعياله
شهيد محفورن اسمه .. عالي القمه


طيب وشهامه .. وكلن ياعرب / قاله
مقدام 》يارد غصب دايم على الجمه


والنعم فيه ..وكمان النعم في ~ خاله
وابوه و اخوه ..وايضآ .. جده ..و عمه


لاقالو القول .. جاك الفال > وعقاله
وعند اللوازم.. تشوف الواجب • إتمه


انشهد انه كفو .. للجيش .. وارجاله
وانشهد انه شجيع ~ وراعي مهمه


علاقته بالبشر .. بالطيب ~ تحلاله
والجند تشهد على الفزعات من يمه



بالدين متسلح .. ويمشي لوهو إلحاله
يآرد على حوض المنايا ~ ولا يهمه


يارب .. تجعل ~ جنان الخلد > مثواله
وتغفر ذنوبه كلها .. ~ والرحمه تعمه


الشاعر / أسعد ابراهيم السحيمي

الله يرحمه ويغفر له ويتجاوز عنه

اللهم اغفر له ورحمه وتجاوز عنه وتقبله من الشهداء

الله يرحمه.