هياكل واسماء

يا ذيب لا تنشد هياكل واســــماء=وعلوم بطن ولا هنيا علوم
البارحه لو شفتني بوسطهم=ماغير جسم وساترته هدوم
معهم وانا ياذيب والله عنهم =ابعد من الموصل عن الخرطوم
سريت عن مجلاسهم بفكاري=لامكلماً منهم ولا مكلوم
ياذيب روس من المعرفه فقرى=وش جابني لولا ردى المقسوم
منهم سوالف يوم اصن اسمعها=احس روحي تاصل الحلقوم
من بطن كركر وش يعقب كاكا=البوم ترث با الخراب البوم
يا ذيب تنشد معجبتك صورهم=ادري..وكم غر المناظر قوم
لا شك ما حاشت وقار الحاهم=لو سمرهم با البيض جابن توم
ماغير قيل وقال غيبه نمه= اكل البشر وخذين به دبلوم
هذي ثقافة ربع شفت البارح=معزبي واللي معي معزوم
يا ذيب تدري و ش مشيب فيه؟=وانا من امي توي المفطوم
كان الامل ياذيب لي بواحد=ولقيته القائد لجيش الروم
كم لي وانا احاول الاقي حجه=عساني افرج حزني المكظوم
دورت حتى الطين زدته بله =ولحزني الاول جلبت هموم
لقيت عذر ان المعرفه تشرى=ولا تنشرى الابعال السوم
ولقيت عذر ان المكاتب تزخر=با العلم لاكن ما قراها القوم
وعرفت ان المشكله بصحابي=النوم ماقا لوه ساس اللوم