صفحة الغربه ... للشاعر الكبير : مشهور السرحاني

الملف الشخصي · 07-29-2005, 09:02 PM

أهديكم هذه القصيده للشاعر المبدع : ( مشهور يوسف السرحاني البلوي )
نشرت بأحد المجلات عام 1418هـ وهي اول قصيده اتشرف بقراءتها لهذا الشاعر الرائع
عرفته من خلالها وصرت ابعث عن قصائده بلهفه لما بها من عذوبه وجزاله وفلسفه لا يجيدها
الا ( مشهور ) واكتملت فرحتي عندما وجدته بهذا الصرح
انتظرته يهدينا بعض من قصائده الغزليه ولا كن يبدو انشغاله هذه الأيام بالأهم
استاذنته لنشر قصائده بهذه الصفحات فغمرني بكرمه الحاتمي وقال لي ( تمون )
اليكم أحد روائعه وما خفي أعظم لهذا النجم الذي يحق لي أن افتخر به أنه من ( قبيلتي )
ويحق لي أن احتفض بقصائده لكونها درر ثمينه
أهديكم اياها لتحفظ وتوثق بديوانه الخاص حفضاً لها وخوفاً عليها من ضعفاء النفوس .

بدينا صفحة الغربه وليل الهاجس الثرثار = يسهرنا مع هجوساً تعذبنا وتشقينا
رفعنا الرايه البيضاء وحنا با أول المشوار = عسى المولى يصبرنا على باقي ليالينا
ليالٍ ترفض الفرحه وتكسر خاطر السمار = تكبّر بالمواجع هم .. على كيفه يعنينا
ونهارٍ ينطفي بالصمت هدوءه يسبق الأعصار = وتغيب مع الشفق دمعه تودعنا وتبكينا
ولهنا للعيون اللي عشقناها وحنا صغار = كبرنا والغلا يكبر يجسد حب غالينا
حبيباً مانبي غيره ولاله غيرنا قد صار = بقربه ياهل المعروف تحقق كل أمانينا
سقي الله يوم أنا وياه بنينا للهناء تذكار = مراسيم الهوى تشهد لحاضرنا وماضينا
صحيح إنا تعذبنا وصرنا نحارب التيار = ورغم اليم ورياحه وصلناها موانينا
وصحيح انا تباعدنا وتقطع بيننا الأخبار = ورغم البعد والفرقاء على الموعد تلاقينا
ورجعنا نشكي الغربه وليل الهاجس الثرثار = يسهرنا مع هجوساً تعذبنا وتشقينا

المبدع : مشهور يوسف البلوي

الملف الشخصي · 07-29-2005, 09:18 PM

عايد السميري
سلمت يمينك وصح لسان شاعرنا المبدع الكفؤ مشهور السرحاني

الملف الشخصي · 07-29-2005, 10:57 PM

عايد السميري

الله يعطيك العافيه على هذه القصيده الرائعه

وصح لسان الشاعر مشهور السرحاني

دمتم بخير

الملف الشخصي · 07-30-2005, 05:27 AM

الله يعطيك ويعطيه العافيه ..

والله إنهم دملو كبودنا بقصيد المجلات .. ياما الواحد يقول ضاع القصيد ..

لكن يوم يقرا مثل هالقصيده .. يقول لا والله ماضاع الشعر عند اهله

ولاّ بعض القواصيد اليوم ماهم اهل له .

( حمدان عبدالرحمن الفريعي)