على خيل الكلام اقطع صحاري سيرتي مرتاح

تبي غيري تفـضّـل دمعتي ضحك وحشاي افراح = تبي غيري على كيف الهناء يانفسه اخــتاري
تعبت اشوفني فـوق الشــفايف صـاحـبي سواح = وضحكة دم وجهك من كـــلام عــيـونـهم ناري
لك سنـيـني عـلى كيـفـك اذا قالوا عــلامــه راح = حبـيبي لو قـتلني خــنجــرك في ضحكتك ثاري
كلامك لك من اللمسه الى ضحكة غـثى وانــزاح = انا ادري ماتـبـيــني لــكن اللي قـّــدر الــباري
دخيلك وان بقى لي بـينك وبينك بعــض ماطــاح = حبيبي لا تجيب الدمـعـتي في ضحكـتـك طاري
ابي دمعة عيوني تــبـتسم والباقــيات اجــــراح = انا اعذاري الى حــد الصــياح وتذبل اعذاري
على خيل الكلام اقطع صحاري سيرتي مرتــاح = ترى كل البرود اللي معـك من جمرة اصراري
وتوقف دمعتي محدٍ درى عن صوتها الفـضاح = سواك وليتك تشيل البكاء من صفحة اخــباري
مثل ما للعصافير بـزمـــان الـكاسرات جــنــاح = ابي لي في زمان اعيونهم لو ربع مـقـــــداري
اذا قالو على من لا يبي قربه خــفـــوقي صاح = رميت الوجه بين اقدام خطوت جور الانظاري
حبيبي لو تبي ذمي انا افدا ضحـكـتـك ياصـاح = تفـّضل بس دمعي خــله اول واخــر اســراري

الشاعر: احمد سويلم الأسحم

منقول من موقع شظايا

اخي ياسر حمدان

الشاعر احمد سويلم شاعر بكل ماتعنيه الكلمه من معنا وهوشاعر متمكن وقصائده دائما تحمل في طياتها الجمال والمعنا ولكن عتبنا عليه كل العتب عندما هجر المنتدى الذي رحب فيه وفتح له صفحه خاصه وهي شبه فارغه الان ........اتمنا ان يصل كلامي للشاعر احمد سويلم الوحيشي
.
.
.
.

ياسر : مشكور على نقل هذه القصيده الرائعه وصح لسانك ولسان الشاعر احمد سويلم البلوي

وتقبل خالص شكري وتقديري

عبدالله الوحيشي

ياســــــــــــــر المقبلي ..

ما أجمل الأبــــــــداع هنا مبدع ينقل لمبــــــــدع .. فعلاً هنا الأبـداع بأم عينه ..

لك القلب ..

سلمان العرادي

اخي

العزيز

ياسر البلوي

صح لسانك وسلم بنانك على
نقل هذه الرائعه
....
وصح لسان
شاعرها
ودمت بخير

مشكورين ياخوان على المرور

اخي عبدالله بأذن الله اذا قابلته اكلمه
وانا استغربت ناشر قصايده بمنتديات شظايا ومنتدى بلي مافيه غير قصيده وحده

انا عندي له حوالي 45قصيده ان شاءالله راح افيدكم

ياسر حمدان البلوي

الله يعطيك العافيه على نقل هذه القصيده الرائع

حاول ان تتوصل الى ايميله علنا نراسله

دمت بخير