احرص تدور بالمخاليق عذروب

هذه نصيحه لنفسي قبل ان تكون لغيري

دنياك يا مخلوق ماكثرا عبرها = = = تخرب معك نوبات وتصلح معك نوب
دنياك محداً سالماً من قشرها= === = واللي غلب في يوم في يوم مغلوب
نوباً ربيع ونوب يكثر دهرها====== ونوباً براد ونوب تذبح من الشوب
والآدمي من يضمنه عن خطرها= = = اللي مشى عريان واللي لبس ثوب
هذي وصيه قلتها واختصرها = = ==في وقت فيه الوضع بالعكس مقلوب
الناس يا ابن الناس حذر تحقرها== = تراك مثل الناس منخر وعرقوب
ابدا بنفسك صونها واختبرها = == = واحرص تدور بالمخاليق عذروب
الناس ما تبغاك تلفت نظرها = = = = للعيب وانته كلك ثلوم وعيوب
انته عيوبك بس كيف تحصرها==== = حتى تدور عيب بالناس مكتوب
وعينك عن اهل العيب حوّل بصرها ==ترى الزمن دوار والذنب محسوب
نفسك في شان الغير ليه تحشرها = ==لا تصير لهل الشر والشر مندوب
والديره اللي ما يفيدك مطرها========بلاش تاصلها على كل مركوب
الناس تفنى بس يبقى خبرها=======و الخير لهل الخير يبقى ومنسوب
وشوف الرجال العارفه واستشرها==ليا شهبك أمع ازرق الوقت شاهوب
والطّيبه للطيبين ادخرها==========ترى ألوفا بين الرجاجيل مطلوب
والحفره الشينه حذور تحفرها=======تطيح فيها وراعي الخبث منكوب
واعرف غدير الناس واعرف بحرها==وليا شربت الكوب لا تكّسر الكوب
ولا تاصل اللي عنك رجلها قصرها====خله بدربه وأنت تلقى لك دروب

السلام عليكم ورحمة الله وبركاته

الشاعر
عبدالله بن مناحي
صح لسانك
قصيده رائعة والف شكر على اتحافنا فيها واتمنى استمرار روائعك

الشاعر المبدع الرائع ابو مناحي سلمت اناملك على كتابت هذا الابداع

نتمنى منك المزيد انت شاعر بمعنى الكلمه دمت للمنتدى


اخوك:الرقيقيص

اخي
وضيفنا العزيز
وشاعرنا المبدع

عبد الله مناحي

قصيده جزله جزله جزله ولا غريب منك هالكلام
سلمت
ودمت
وصح لسانك مليون ولا يكفون

احترامي وتقديري

يا بو مناحي
_____________

عايد السميري
_______________________

السلام عليكم ورحمة الله وبركاته
الشاعر عبدالله مناحي
اهلا ومرحبا بك..ننتظر قدومك فجئت ومعك الابداع..

السلام عليكم ورحمة الله وبركاته

الشاعر عبدالله مناحي البلوي

صح لسانك على هذا القصيده الشامخه ومصافحه اولى قمه في الجمال

ننتظر المزيد شاعرنا

دمت بخير