مفاويد الزمن

لو ماانحسب للقدر عند العرب كاش..
ذاك الــزمـن قـــدّم نـصـايحك عـنـها..
وان قـايضوك بعلم جالك على ماش..
لاتـخـسر الـلـي مـعك واعـرف ثـمنها..
ترى العلاقه لااكتفت طاش ماطاش..
سـرّح عـلى مـاطاش وانـسى لـحنها..
وان قـلت راحت قلت للقلب تعتاش..
وادري مـفـاويد الـزمـن مــن ضـمنها..
لـذالك اتـرك بالحشا بعض الاعشاش..
ونـشّـف عـروقـي كـان يـكفيك مـنها..
ماعدت احتاج لسقاتي وفي الجاش..
واقــع عـليه اضـمرت ردفـت عـدنها..
والنبض حاش المرجله يومها حاش..
حــلـم الـنـفـوس الـطـيـبه لوشرنـهـا..
بـاقـي عـلى تـحقيقه الـصبر يـاباش..
وبـاقـي عـلـى شـوفته غـفوة زمـنها..
مـاضج راسـي بين هالروس لاشاش..
وحـسـناي نـفـسي لازهـم لـي كـفنها..