يـطول لـيلي بـيّ وانـسى الـمبيتي

يـطول لـيلي بـيّ وانـسى الـمبيتي
والـمـعـرفة يــمّـي تــتـمّ الـمـواتات

تــجـزى دقـايـقـها أمـــوري بـبـيتي
مـاهـو يـعـجّز مـدّها واحـدن مـات

وكـفّـاك يــا مــدّه نـجايب جـزيتي
راجـيك مـن ثابت عليه الصعيبات

مــنـه تـطـولـك خــيـرةٍ لادعـيـتـي
لاتـسـمعي بـعض الـمناقيد بـالذات

والـنـظرة الـلـي تـتـبعك لامـشـيتي
يـومي قـليل الـقايله ويـن مـاجات

ضـافي عـليّ الـخير والشكر ميتي
وشلون لو يحيا مع الدرب لحظات

تـبقى الـتفاصيل الـصغيرة سبيتي
لـو بـنفق الـشرية عـلى فايتن فات

وان ضـاعت الـلحظات مافاد ليتي
بـقّى أوان الـفوت بـالصدر ضيقات

لا مـاعـطيتي لـو أشـوفك عـطيتي
مــا أضـمنه يـومن كـفاني عـطيّات

وان كـان مـاشا خـالقي مـا أشيتي
لــو قـلت لـك والـنّيّه الـنّيّه وجـات

ودّن عـلـى أرض الـبسيطه نـويتي
مـايـنـحـسـب بـــالــودّ لا راد ردّات

ربًّــا خـلق نـفسًي لـرحتي وجـيتي
مـاهو بـناسي دربـها بـين خطوات