[قصيدة]آيا وجدي وجود الي قضى ليله مع الأحزان

آيا وجدي وجود الي قضى ليله مع الأحزان= على الي له بوسط القلب مرباع ومنزالي
عــداد الي إيلا هـلن ملـن ناشف القيعان= وسميٍ ترازم به من جاله إلى الجالي
ثم أرسل شذا طيب البختري وانبت الريحان= وإيلا هبت نسايمها يصير الورد ميالي
وعداد الي نزل في جال غدرانه من البدوان= ترازم طرشهم وضح تشادى الغيم وعدالي
تشوف العيص يوم اقبل تخايلك تقول بدان= عليهن البيوت الي بهن للضيف مدهالي
وطشو عن ظهور البل وبنوهن على العمدان= وشبو نارهم وادنو بجاله نجر ودلالي
وزغرت نجرهم يجذب غريب الدار والعمسان= وادنو زبد مع تمره وخبز حط بثفالي
ولا كما وجد من يشكي خطر لوعة الحرمان= حبيبه شرق من هالكون دونه بيد وجبالي
يجاذب عبرته يشكي لنجم اليل هلوجدان= اهو وسط الحجاز وشوق عينه ساكن بالي
وجت حرب الخليج ولا سبيل ينقل الولها= تقطع به سبيله كيف حاله يابعد حالي
أنا احبك وحبي ما أضن توصفه قيفان= يعجز عن مداه القاف ويعجز به تخيالي
أحبك قبل لااذكر على وجه الثرى انسان=واحبك قبل لاابويه يسميني ويندالي
واحبك قبل ما اميز عداواني من الصدقان = واحبك قبل لا أمشي على الثنتين يا لغالي
تغاغيلي واغاغيلك منامي في دفا الأحضان= طعامي من جنا صدرك ايلا من جعت هيالي
أمي اينعم أمي وكـــل القلب لك ميدان= ولا اظن احد غريك بحب القلب يحتالي

الشاعر

عز الخوي

صح لسانك وبيض الله وجهك
يالذيب
قصيده
جزله
ولاهي غريبه عليك
تجينا بالجزل
تحياتي لك

[blink]عزالخوي[/blink]


صــــح لسانــــك

على الأبيات البدااااعيه

حيا الله اخوي عايد
وصح الله بدنك
وبيض الله وجهك أنت بعد
بياضاً من غير سوء

صح بدنك وياهلابك اخوي ياسر

آيا وجدي وجود الي قضى ليله مع الأحزان =على الي له بوسط القلب مربـاع ومنزالـي
عداد الي إيلا هلن ملـن ناشـف القيعـان =وسميٍ ترازم به من جالـه إلـى الجالـي
ثم أرسل شذا طيب البختري وانبت الريحـان =وإيلا هبت نسايمها يصيـر الـورد ميالـي
وعداد الي نزل في جال غدرانه من البـدوان =ترازم طرشهم وضح تشادى الغيم وعدالـي

أخوى / عز الخوي

صح لسانك على القصيده الرائعه ولك شكري