~-~-~-~- قلب صدّام- ~-~-~-~

الملف الشخصي · 09-07-2005, 11:15 AM

ياللي سليت وتشتكي سود الأيام = وش عاد ذاك اللي بعمرك لقيته؟
ظرفك بسيط وبكره عيونك تنام = ويصبح عليك الصبح هّمك نسيته
لاتشتكي و أنا الذي خمسة أعوام = هّمي سكن في داخلي ماشكيته
أصبر على مُرّ الليالي والأقسام = والهّم واضح لو بصدري كميته
أخفيه عنهم واتشكّى للأقلام = وأبيات شعري تكشف اللي خفيته
لي صاحباً كنت أحسبه عون وحزام = أعطاني البسمه وقلبي عطيته
العين ظبي الريم والقلب (صدّام) = واللي جنى الشعب العراقي جنيته
مو بسّ أنا اشكى له مضّرات وا`لام = حتى أقرب أصحابه وسُكّان بيته
قالوا له أرحم صاحبك عاش الإعدام = ذاك الفتى غلطة حياته تميته
مسكين يا عاشق من الناس ظلاّم = مسكين من حُبّك وش اللي رجيته؟
يقسون في قلبه وهو هايم هيام = ليته عدل عن سكّة الحُب ليته
ذي قصتي بين الحقيقه والأوهام = بلاني الله والقصيد ابتليته
ياصاحبي لاتشتكي سود الأيام = شوف الذي قبلك بعمري لقيته

الشاعر:عبدالله محمودالبلوي