قصيدة (هذي علومي) ورد عليها (هذي ردودي)

هذي علومي

صكّت عليّ الليالي وانتحر صبري = يافارج الهم يامعبود هوّنها
شفت المئآسي وشفت الظلم من بدري = حتى جهلت السعادة وين موطنها
أعيش ضيقات من ليلي إلى فجري = ضيقه تسلّم وضيقه تستلم عنها
والله ماهو غلا بالشُقر والسُمري = أو فرصةٍ ضايعه أتحينّها
لكن زمن حط نيشانه على صدري = وأطلق عليّ المصايب من مخازنها
أقول هالحين ملعون السمد يسري = وأدري الروح عن حزني وأطمّنها
وألقاه راعي طويلة ناويً غدري = يضحك وهو فرحتي بيديه يدفنها
خلاني احتار في وضعي وفي قدري = خلاني أطلق جروحي وأرجع اقرنها
يا غازي الوقت عاندني على أمري = ياغازي الوقت حتى الروح كفّنها
نار المجاريح شبت من سنا جمري = يبكون وآنا أحترق بالنار واحضنها
وأنت أقرب أصحاب عمري يابعد عمري = وأنت الذي كلمتك بالحرف توزنها
الناس مثل المعادن كان ماتدري = وأنت الذهب لوبغيت أو صف معادنها
حِل القضية , وهات الحل لاتفري = روحي , جروحٍ من أول عام تسكنها
هذي علومي وهذا كل مايجري = للي طعون الليالي يشتكي منها

الشاعر عبدالله بن محمود البلوي

____________________________________________

هذي ردودي

أبيات جتني عددها خمس مع عشري = واللي نظمها عن الزلات ضامنها
قريتها واستهلت دمعتي تجري = وانا دموعي من أول كنت ساجنها
هو كيف ما ابكي لصدرٍ فيه محتشري = همً يجّض الأباعر من معاطنها
والله لأبكي ولو أن من البكى يبري = جرحك , لأسوم المدامع واتديّنها
ما لوم قلبٍ على الأحباب منفطري = والروح في ذكرهم طفلة يهادنها
لاشك دنياك هذي عسراً ويسري = مثل الرحى , تدّرج وإحنا طواحنها
ما يصبر إلا قوي العزم يالغمري = والذيب يبقى ولا تبقى شوادنها
ولولا المصايب يا بن محمود والعسري = دنياك ما بان فارسها وجابنها
طبع الذهب ياولد بالنار ينصهري = والأرض لجل الذهب يندّك باطنها
تدري ليا أنه لفانا الهم منحدري = ظلعان صبرك يابن محمود نزبنها
وإن كان ياصاحبي ماهيظك شعري = فالعفو والمعذرة بالورد نشحنها
هذي ردودي ومرفقاً معه عذري = للي بيوت الشعر بالقلب يطعنها

الشاعر غازي بن عبدالرحيم البلوي

ياسر حمدان
قصيده جزله ورد جزل رغم مافيا من الحزن


صح لسانك ولسان الشاعرين

دمت مبدع اخي ياسر

ودام وجودك


عبدالله

سلمت اخي ياسر
على النقل
وصح لسان الشاعرين

ياسر لك ألف شكر على هذا النقل, هذة المساجلات جميله جداً ورائعه الشاعر عبدالله شاعر غزير
وأنا من أشد المعجبين بقصائدة بالرغم أنني لا اعرفه الأ من خلا ل نقلك لقصائدة وكذلك صاحب الرد غازي وأن دل النقل على شئ فأنما يدل على ذوقك الرفيع وبصيرتك الثاقبه

ياســـــــــــــر ..


صدقني أيها الجميـــــــــــل أينما سكبت تعطي المكان جمال وعذوبه ..

كُــن كما يراك قلبي ..

سلمان العرادي

الشاعر
عبدالله الوحيشي
صح بدنك يالغلا
ومشكور على المرورالجميل