ورقه / ورقه / ورقه ..!

.




من بيــن الأوراق أتيت لكم بـــــ :

لو يمتلي صدر المساء جووووور ورمااااح=ويشره على الوقفه هدوء المسيه
ولو دونها بارود وحروب وإسلاح=ولو دونها تهمه لنفسٍ بريه
ماترك رفيقي بالليالي إذا طاح=ياقف معي ولا اني أطيح زيه
الفقر ظااااالم في زمنا وسفااااح=كنّه يكشّر لا أظلم الجوع ليّه
لو الفقر رجال وبسبعة أرواح=موته على إيدي أو أكون الضحية
ومعذور صاحب ما تحملني وراح=لو فيه شرهه كان أشره عليه
يا قلب : هذي ناس بالشده أشباح=يعني إختلاف الود أصبح قضيه
يا قلب لا تحزن من الهم ورتاح=ما عاد تنفع دنة الهاشمية
بعييييد عن ربعي ولاني بسواح=ورافقت ناسٍ ما تعرف الحميه
ما باقي بصدري لـ معزتهم امراح=يكفي ثلاث إسنين ضاعت سويه
وابو علي* لني تذكرته ولاح=في كل ديره ليت الاقي حليه
بس كلها أيام والهم ينزاح=واشرح دروسي للقلوب الخليه
ليت الشقى ما يخون بالوقت فلاح=خلا العرق مهر الحياه الشقيه
وليت العسر ما يقتل اليسر بجراح=دام الشقى موجود مني وفيه
وليت الشعر لأسرار الأيام لاباح=ما يقترف له ذنب ولا خطيه
وليت الزمن لاجار والشخص لا طاح=ماتطيح من عينه مودة خويه

أخوكــــــم / أحمــــــد عـــــــــــايد البـــــلوي



ابو علي * = الشهـــم/ عبــــــدالله منــــاحي منقـــــره



محبتي لكم


.