@@@ الهلاليه @@@

الملف الشخصي · 03-11-2006, 08:55 PM

الـــهـــلالـــــيـــــة
يقول من زين المثايل يجيبها = هلالية المسحوب قام يحيدي بها
عزاه من علة كما جمرة الغضى = ماتنطفي بالدم وهو يكتوي بها
ياليت شعري – فوق وجدي على الدوا- = ماجور من علة عسرني طبيبها
للبين عين , تنوح بالوصف كنها = سحابه وخدي صار كنه شعيبها
وللبوح روح تروح بأمره متيمه = وللروح بوح تبوح فيه لحبيبها
حبيت من حسيت قلبي بقلبها = ورجواي لو يلقى نصيبي نصيبها
ولقيت لي عذال عن مذهب الهوى = ناسٍ تحاسبني وربي حسيبها
حالوا بـ كيت وكيت بيني وبينها = وشبوا بصدري نار يقبس لهيبها
وراهم على تكدير صفوي تهافتوا = كلاً يكيد وفتنته يلتوي بها
على غير درب الخير يحكون سيرتي = ماصح يُترك ويتوثق غريبها
هذا وأجاملهم ولاأدري إلى متى = تمتد يدي ليدين ماتعتزي بها
أحيان أقول إن شفت ماعفت خلها = وأحيان بعد أحيان وأنا أشتقي بها
هي القوت والياقوت والدر والصفا = هي النور والبلور قلبي بلي بها
لها الراية البيضا ولها كامل الوفا = من قلب عياه القدر يلتقي بها
وراضي بحكم الله وراضي بقسمته = أقدار والأقدار ماني طليبها
وإن غاضت آباري من الود وأمحلت = باكر يجم من المودة قليبها
وإن عاش راسي غير تبحر سفينتي = وترسي على شاطي نقي مايعيبها
تلقى لها ديره وتلقى من البشر= من في خفاهم طيب يندا لطيبها
قلته وثوبي فيه طعنة على الظهر = بيدين ماكنت أحسب أني حريبها
لاباس مما جاس فيني ولاعني = لاباس وأقرب ناس تجفى قريبها
الشاعر عبدالله محمود البلوي

doPoem(0)