ليا تذكرته(رثاء)

اليا تذكرته

قصيده لشاعر الشيخ صالح بن محمد رفاده

قالها حزنا على صديقه المرحوم باذن الله سليمان بن حمود البريكي والذي وافاه الاجل في
20-4-1421هـ
في حادث سير مؤلم عن عمر 55 عاما وهي رثاء وذكر لبعض من مزاياه الطيبه (رحمه الله)

الله من عينا عن النوم مقزاه=تسهرلاما الصبح نوره يضوحي
وقلبي يابو ماجد كما النار تصلاه=وصابر ولو أنه غميق الجروحي
على فراق الغالي اللي فقدناه=من لوعة الفرقا دموعي تفوحي
وتصبرعلى ماقدر الله وترضاه=عن قدرة المعبودماحديروحي
ابو حمود اللي حميده مزاياه=ليا تذكرتهوأنا قمت انوحي
ماهومن اللي يكره الضيف لاجاه=ولاهوعلى الدنيا بخيلا شحوحي
ولاعقب الشينه بجاره وخوياه=ولاهومن اللي بسراير يبوحي
يالله تجعل جنة الخلد مأواه=وتنجيه من نارا لهبها يفوحي
ياغافر الزلات تغفر خطاياه=ياقابل الطلبات منك السموحي
واحسرتي ياليتني ماتطراه =وتذكر عليه خوته والمزوحي
كم مرقبا وأنا خويه بدنياه=بعد الصلاه وقبل نشر السروحي
وقت السعاده مابقى غير ذكراه=والباقي الله والخلايق تروحي
ومن لامني لابد الايام تجفاه=عقب الحلا تسقيه مرا ملوحي
ولو طالت الايام ماوالله انساه=مادام جسمي باقيه فيه روحي
وصلاة ربي عدوبلا نثر ماه=على الرسول اللي بدينه نصوحي

قريبا قصيده اخرى للرائع الشيخ صالح محمد بن رفاده
بعنوان(الليال المناحيس)
اخوكم علي بن عايش الرقيقيص

المبدع الرقيقيص
وصلت الى ما عجزنا عنه من الروائع
يعطيك العافيه وبانتظار القصيده الاخرى

هلا وغلا
بالاخ العزيز
علي الرقيقيص
و
سلمت ودمت ويعطيك العافيه على نقل هذه الرائعه
لشاعر
الشيخ : احمد ابن رفاده
وهذا مانبحث عنه دائماً
اعجبت بقصيدته ( سقوط بغداد )
وهذه رائعه اخرى وننتظر القصيده التي نوهت عنها سابقٍ
الف
شكر لك ودمت غالي يالرقيقيص
تقبل احترام وتقدير
_________
اخوك
عايد السميري

يعطيك العافيه ابو عايش

وصح لسان الشاعر الشيخ صالح محمد ابن رفاده

وننتظر قصائده الاخرى ...

الرقيقيـــــــص ..

سلم بنانك على هذا النقل الجميل وهذهـ القصيدهـ الجزله ..

صح لسانك ولسان الشاعر الشيخ .. صالح بن رفادهـ ..

وبأنتظار جديدهـ ..

أطيب التمُــنــى ،،

سلمان العرادي

المبدع الرقيقيص
وصلت الى ما عجزنا عنه من الروائع
يعطيك العافيه وبانتظار القصيده الاخرى

استاذي قاسم القويعاني

كل الشكر لك على هذا المدح الذي قلته بحقي


واوعدك بتقديم المزيد

اخوك الرقيقيص