هذي قصيدة للشاعر : محمد بن سالم عواد التلفيه البلوي وفيها يتوجد الشاعر على عينه الذي فقدها بعد ما جت فيها حديده .. ثم فقدت شوفها ..وفيها يقول :
قالوا علامك تبدي الريع وتويق "=" قلت اعذروني ياوجيه الرفاقه
شوقني الهاجوس للشعر تشويق "= وانا كثير النوب ودي افراقه
بالشعر اخفف من عنا النفس وافيق "=" واصور الواقع بعرف ولباقه
ولا اقول انا شاعر حميع الطواريق "=" لو رشحوني ما اعترف بالبطاقه
قالوا لي اغلى كنز كنز الصناديق "=" قلت القناعه كنز والوقت فاقه
قالوا تصبّر قلت للصبر ما اطيق "=" صبري نفذ واليوم هذا غلاقه
مذهِب وانشّد والمحاري توافيق "=" ياناس فاقد من شذا الورد باقه
فقدت عيني والمصايب سواحيق "=" والدمع منها قام ينزف حقاقه
غرّق وطوّق محجر العين تطويق "=" والدمع غالي مثل دم الاراقه
وجدي على نونها بالسهم عيق "=" وجد الغريب اللي يدور نياقه
شايب ويونس في ضميره زواريق "=" ومع كبر سنّه في زوم وحماقه
باول شبابه يحرق القلب تحريق "=" والتتن لف ومذهبه باصطفاقه
ققالوا نياقه غرّبا والجمل سيق "=" وصبر لكن صبره خرج عن نطاقه
وقام ومشى بدري قبل فكّة الريق "=" معه( أم خمس) وخيزرانه دقاقه
ودربيله (جلوري) على المتن تعليق "=" وفي محزمه (دقّة محيسن) رقاقه
والماء شحيح وينقل الماء بالايريق "=" بارض ٍ خلا فيها الاوادم شفاقه
ومن سو حظه رصّه الله على الضيق "=" زل القدم به وانكصم عظم ساقه
وامسى عليه الليل بين الطبابيق "=" يشكي ويبكي من ظروف الاعاقه
والصبح طايح معترض للمشاريق "=" طير اللحم فوقه يحلّق حلاقه
حامن عليه اظفارهن كالمعاليق "=" والذيب ما بينه وبينه صداقه
عدى عليه ومزّق الجسم تمزيق "=" وعوى وجاه غلاث من يوم ذاقه
وصارت وفلته موعظه للمخاليق "=" الموت واحد لكن موته غراقه
وفزعوا عياله من جنوب ٍ وتشريق "=" كلن يصارع عبرته باختناقه
والبحث جاري في تحري وتدقيق "=" كلن يدور للاثر في رواقه
وجابوا هليكبتر تحلّق تحاليق "=" واعطى العقيد الامر بالانطلاقه
حامت على راس الجبل والزرانيق "=" الجو حامي والتضاريس عاقه
وتعذر الكبتن لو العذر ما يليق "=" وكلن رجع من يوم غلّق إلحاقه
وقام بدوي لمطارد الصيد عشّيق "=" شاف الجوازي مقفيه بالتباقه
وركض على مركاه والرمي توسيق "=" وارسل لها المحرق لحّقها الحاقه
وطاح الرباعي من علو الخانتيق "=" والدم سال من النحر باندفاقه
ضاري على ذبح الشبب بالحراريق "=" وإن عارض ( الطرقي ) عطاه الحاقه
وجلس يناظر لليهق والزماليق "=" سبحان من بامره على الظلع ساقه
ووقع على الجثّه بوسط الطبابيق "=" وأعذر بمقناصه وقل اشتياقه
واخبر به الشرطه واخذوه تحقيق "=" قالوا اكيد بما حصل لك علاقه
وحلف يمين تفرّق الجمع تفريق "=" إنه بري من كل غدر ودراقه
وفزعوا عياله والوجيه المطاليق "=" وفكّوا صراحه بين ضبّه وطاقه
وحطّوا له البيضاء على قمة طويق "=" هذي عوايد متهبين الوساقه
هذا وجودي والهوى له تصافيق "=" واونس بقلبي مثل موس الحلاقه
لاشك بالايمان عندي مواثيق "=" لولا اليقين القلب زاد انفلاقه
أصدّق الاقوال بالفعل تصديق "=" طبق الاصل والبيت اجوّد رواقه
رد مع اقتباس
قالوا علامك تبدي الريع وتويق
ضوابط المشاركة
شبكة الوتين
المفضلات