القصايد والزهور

السلام عليكم ورحمة الله وبركاتة
هذي قصيدهـ لشاعرنا العذب عبدالله بن محمود المعيقلي
القصايد والزهور

من لهيب الشوق حركّت الشعور= والقوافي جاوبت ببحورها
ومن خيوط الليل شفت النور نور= شفت نور الحب من ديجورها
قوم ياقلبي ترى الدنيا تدور= من شقاها حولّت لسرورها
قم وأنا أشرح لك تفاصيل الأمور= علّة الحرمان جاء دكتورها
تذكر أيام القصايد والزهور= والرسايل والبكى بسطورها؟
والعنود اللي على قلبك تجور= وانتظارك في طريق عبورها ؟
جادلاً من صّدها دمّك يفور= غذبّتك بحسنها وغرورها
جات مع هالليل ياقلبي تزور= نورّت عندك وطالك نورها
جت نسايمها تذعذع كالعطور= مع رسايلها وريح زهورها
تعتذر ياقلب عن كل القصور= تستميحك عذر يامسحورها
للظروف الكايدة عشرين دور= في فراقك ياوحيد طيورها
وانت سامح خّل ماضيها يغور = نادمه واللي يدّل حضورها
امسح الغلطات يالقلب الصبور = زارتك محبوبتك قم زورها

الشاعـر: عبدالله بن محمود البلوي

ياسر
سلمت على هذه الفاتنه
من المبدع
عبدالله محمود المعيقلي
استمتعنا بها
ونقل اكثر من رائع
لك الموده
وتقبل
محبة
اخوك
عبدالله الوحيشي

ياسر



لا زلنا ندين لك بالجمال



دمت بأحسن حال


سلمتم لأنا


.

ياسر
احسنت الاختياار ووفقت بي طرحه
وصح لسانك ولسان شاعرنا
عبدالله بن محمود البلوي

اشكرك ياسر على القصيده الرائعه

وصح لسان الشاعر عبدالله بن حمود المعيقلي

شاعرنا
عبدالله الوحيشي
هلا وغلا بك
نوّرة القصيدة بمرورك الكريم
الله يسلمك
لاهنت على الرد