الحلقه الثانيه من مسلسل عجاله وبظهورالخيل أنتجاله

بسم الله الرحمن الرحيم

أحداث هذه القصه لا تمت للحقيقه بصلة
فمن يجد أسمه نرجو منه السموحه

المشهد الاول
والمنظر مع مغيبة الشمس
وقفت حمالية الرقيقيص في شارع الطواحين وهي المحطه الأخيره للرحله
ونزل الرقيقيص معه ليور الكفر ووقف بجانب الشاحنه يزهم على الركاب واحد واحد
الايجار يا الطرقيه ويلوح لهم بالليور متوعداً ومهدداً قائلاً :
اللي يسمع أسمه ينزل وهو مطرف قريشاته بيده لا يجيني منكم واحدن مدرعم براسه
ويقول ما معي غير خريطة هالثيران ولا مديهنة هالسمن تراني أنفتت شبدي
من خرايطكم وانا اشيل واحط بها ..كل مشوار وانتم مقلطينها لي المره ذي ودي
فلوس ريال ينطح ريال
وانزلوا الركاب مغير قوقل وزيدان كل منهم يدف الثاني : أنزل أنت لأ أنزل انت الاول
وهنا تربع قوقل بالسله وقال : ومن المزيونه أني ما أطب الأرض قبلك
وقف زيدان و قام يفرك أيديه ويصطبي وده ينزل ثم يرجع المشكله أنه معه
قروش بس يسمع بالمشاركه الوجدانيه لقوقل اللي ما معه لا قروش
ولا سمن ويوم طالت الدعوه رقى لهم سواق الحماليه بغضب
ومع نقزته تدخل رشيد وقال يا فايز : ما بقى معك قروش ودي ادفع
الكروه عن خوينا قوقل؟؟؟
فايز : رشيد ما تشوف أنك طولتها !!! قبيل دفعت عنك أجرة أركوبك
وهالحين ودك أسلفك يا اخويا السعد هالمره بدفع عنكم والمره الجايه
كلن يعتب على نفسه

المشهد الثاني
الأربعه يمشون جنب الزفلت ومنبهرين بما يرون من ضيان وناس
وسيارات... بغوا يندعسون وهم بس امصقعين ما يشوفون مطاهم
وأخذوا في المشي والتلفت الى أن دخلوا لهم مطعم وجلسوا على الطاولات
والخبير فيهم فايز بحكم أنه سبق له الجيه لتبوك قبل هالمره
فشاف نفسه على أخوياه وحط رجل فوق رجل وهو لا بسن له ترنق رياضه
أصفر به خط أسود على جنب وبيتون من غير شراب >> أبوك يا الشياكه
أما رشيد فلابسن له ثوب به 12 زرار طقطق والقبه قلاب طوله يجي له
شبر أما زيدان فمن الكشخه مهو مخلي من فنايله شي كلها لابسها
والثوب قيطان كويتي ومعيصب راسه بشماغ العقل
أما قوقل لابس له ثوب ساحلي ومسوي له مخابي ما ليها من الثيران
ولابس فوقه صديريه جوخ كاروهات كل لون تشوفه بها
صاروا فرجه لرواد المطعم وصفق فايز وقال ياراعي المطعم .
جا الجرسون وقال أهلين وسهلين نورتونا أأمر حبيب ألبي
شوبدكون عنا مشاوي جاج ولحمه وعنا كبه نيه وكبه مئليه وكبه مشويه
وعنا صياديه وعنا تئبرني تبوله وعنا تئبرني بابا غنوج وعنا فتوش
وعنا تئبرني ورء عنب أأمرحبيب ألبي
ألتفت فايز وقال : ها وش تبغون نطلب
قال رشيد : هات لي أثنين تئبرني وواحد يغنج >>> أبوك يا التفندي

وقال زيدان : يارشيد مهوزين تئبرني أطلب مثلي نص حبة تبوله ونفرين كبه مشويه
أما قوقل طلب اربع نفر صياديه وحبتين دجاج وفتوشه
قال الجرسون : نعم ! شو أمرتوا أزا بتريدوا !!!
قال فايز : هات من كل اللي قلته واخلص ذبحنا الجوع
وبعد العشا ذهبوا الى احد المقاهي وناموا فيه
وتواعدوا مع ذرة الشمس يذهبون عند المستجد
حتى يتقدمون بطلب ألتحاقهم بالعسكريه

المشهد الثالث
المنظر نهاري مع ذرة الشمس
تجمعوا الاخويا الاربعه كل واحد ينقل ملفه وصافين طابور حتى جا السرا عليهم
أمام اللجنه المكونه من البلدوزر وتواصل وعايش سالم
واجتازوا اللجنه بسلام
ودخلوا الميدان وتم تسليمهم البدل
وقال قوقل : يا خوي يا فايزالمحزم هذا كيف أربطه عجزني وانا
لي ساعه أفرس به
قال فايز : هذا ما اسمه محزم هذا قايش
المهم أنهم لبسوا ابدالهم ونزلوا ميدان التدريب وكان مدربهم سعود الهرفي
ففرح زيدان لشوفته ولكز رشيد بكوعه وقال : بح بح سعود وش رايك نروح
أنسلم عليه
قال رشيد : مشينا ناخذ علومه ونعطيه علومنا يا اللا مشينا
وهم في طريقهم له زهم عليهم البلدوزر يا عسكري ثابت
يا عسكري ثابت يا عسكري للوراء در ... وهم ما حولك عسكري ماشين
حتى وصلوا سعود ... فبلش فيهم سعود هو يسلم عليهم ولا يردهم
للبلدوزر ............

وفي هالأثناء شاهدوا تركي البلوي واقف عند سارية العلم ( مجازى )
وهم ينقرطون عليه وهو باصبعه يشر لهم وبصوت
منخفض : أرجعوا وراكم وراكم ما تسمعون القايد يزهم عليكم
وقفوا واثبتوا مكانكم ما تسمعونه يقول ثابت يا عسكري
رشيد : أاه اثرته وده حنا أنا ألومه منين ما وجهنا وهو يصعك
ثابت ثابت
ولا وفى هرجته رشيد غير واللي مسكه مع علباته ...........



يتبع بأذن الله ........ أخوكم أوسكار الهرفي

الاخ / اوسكار الهرفي
سلام لك خاص من قلب صادق
هل انت مبدع؟
فلا والله انك ليس مبدع بل انت الابداع ذاتة
ياخي كم ودنا انك نعرف بس تعرف ليش عشان اجيك وحب على خشمك
والله انك امتعتنا
ومهما اقول عنك فاني مقصر في حقك
بس ابي اقول لك انت الابداع

الله يوفقك وييسر امر والى الامام ان شاءالله

ونزل الرقيقيص معه ليور الكفر ووقف بجانب الشاحنه يزهم على الركاب واحد واحد
الايجار يا الطرقيه ويلوح لهم بالليور متوعداً ومهدداً قائلاً :
اللي يسمع أسمه ينزل وهو مطرف قريشاته بيده لا يجيني منكم واحدن مدرعم براسه
ويقول ما معي غير خريطة هالثيران ولا مديهنة هالسمن تراني أنفتت شبدي
من خرايطكم وانا اشيل واحط بها ..كل مشوار وانتم مقلطينها لي المره ذي ودي
فلوس ريال ينطح ريال





بس اوسكار لو انك خليت ابو نايف في العمل(معيض )مساعد كبتن حماله

اخي اوسكار

شكرا على عجاله عجاله



ولكن الي كان عند سارية العلم هو اخونا اوسكار ابو ربطه المنسم

هذا معروف بسجله الاغياب والنوم با لواجب وعدم اهتمامه بالمسئولين

وهو يقوم بتحريض عدد من افراد قبيلته على الغياب يوم الاربعاء والخمي...........والجمعه

من شان يروحون مع السوقين الى ديرتهم وهناك يقوم بسرقة الاغنام والسطو على هل الباديه

وقد اشتكو هل الباديه على امير المركز ورفعو به برقيه الى مأموريه في الجيش ليقومو بدورهم

في تأديبه وفك الناس من شرور ذلك العين




تنكيوووووووووووووووووووووووووووووووووووووووووووووو وووووووووووو




ننتظر يتبع يتبع

هههههههههههههههههههههههههههههههههههههههه

اخي اوسكار تسلم على الابداع الرائع والمميز

وننتظر الحلقه الثالثه

أوسكار تسلم يمينك ويمين من رباك
والله أنك أبهجت قلبي بطرايفك المبدعه يامبدع
أوسكار الهرفي
ننتظر جديدك مع قوقل وزيدان والرقيقيص ورشيد وسعود الهرفي والشلةأوسكار أنت مبدع بمعنى الكلمة مبدع