نجمــــة الحلـــــم

نجمة الحــلم

تدرين ماهو بنا اللي من فراقك يصيح=تراه طفلاً بجوفي كان غبتي بكى
وتدري ماهو دمعاً فوق خدي يطيح=هذا ندى حبك اللي في الحنايا تكى
أقوم من لهفتي عليك وأن قمت أطيح=والليل يسري بعينك وان غفيتي شكى
كنه بقايا ديار بين رجم ووطيح=وهبت هبوب ورياح وصمت ماقد حكى
يانجمة الحلم أنا اظن الصد له ضريح=هذا هو أحساسي اللي في الخفوق أرتكى
ثم أرتوى من سكونك في فؤاداً جريح=ولو يسري الليل بعيونك سواده شكى
تدرين ماهو بنا اللي من فراقك يصيح=تراه طفلاً بجوفي كان غبتي بكى