انا ماني بمتحسف على خبزة واكلها الدود

ليا مني بديت ابدا بذكر الواحد المعبود= وعّبر عن هواجيسي بخط النسخ والرقعه
وانا حكتني الدنيا مثل ما تحك راس العود = وقالت بي وقلت إبها وكلاً يغلبه طبعه
انا يا ناس متظلم من الدنيا بليا حدود = مشيت الدرب وحداني بلا رفقة ولا جَمعه
وانا من فضل رب البيت اعرف العيب والمنقود = اوازن كلمتي ما تطلع الا وافيه سنعه
واعرف اللي تحت ديس الّلبن واميّز المفرود = واعرف أن الليالي سبع وان أيامها سبعه
واعرف ان الليالي ماتجي بيضاء بليا سود = واعرف الحزن في وجه الرجل لو يخفي الدمعه
قليل العرف دايم يحسب أن الصادرات ورود= ولا يقدر يمّيز بين ذيب الليل والظبعه
يقولون الوفا باقي يقولون الوفا موجود = وانا ما ني بقايل غير يالله تقطع الشبعه
تجّملنا وجاملنا وسّرحنا بليا قيود = ولكن كل واحد تغلبه في داخلة نزعه
وانا ماني بمتحسف على خبزة واكلها الدود = عسى خبز الرخا يوكل ولا تبقى ولا قطعه
ابوي العود وصاني وله حكمه وله مقصود = يقول ان الردي ينفع ولكن يذبحك نفعه
ترى ان المرجله صعبة على اللي منطقه محدود= سمع فيها وحاولها وغشه ما وصل سمعه
احد راضي على نقصة واحد يتعب يحب الزود= ولاهي عن هذاك وذاك محسوره ومندفعه
ترى اللي مايسوقونه يعاضب ما يجي بالقود= وطبع الماء يجي من فوق ما يرجع على نبعه
انا بلشان في واحد حكى قصة بليا شهود = يحسبني عدواً له وانا سيفه وانا درعه
عطيته سر وموّثق كلاماً كنه البارود = وكشف سري لصحبانه يدّور منهم الفزعه
يفّزعهم على واحد بذل جهدة مع المجهود= ضوى في ماضي أيامه مثل ما تضوي الشمعه
حلف لي بالله الخالق وسمعني ثلاث عهود= وخان العهد والميثاق لا وترة ولا شفعه
صحيح اني فقير الحال لكني رجل مسدود= ما يدخلني كلام اللي هموم الناس له سلعه
وانا ماني بمتحسف على خبزة واكلها الدود = عسى خبز الرخا يوكل ولا تبقى ولا قطعه

ابومناحي
سلمت ولاندمت صح لسانك
نص اكثر من رائع
وكلمات درر


تسلم يمينك

وياهلا


عبدالله

ابوي العود وصاني وله حكمه ولـه مقصـود
يقول ان الردي ينفـع ولكـن يذبحـك نفعـه
صح لسانك على هالأبيات

أبو علي لا هنت لا هنت لا هنت

كل كلمة لها معنى

جزلة ، جزلة

من هنا نفهم كيف ينساب الشعر ،
من معين التجربة والحكمة .. يركب إلى قلوبنا
شراع الحرف ربانه "أبو علي" ..
ليشرح لنا درس في الحياة .. يغلغل عناصره في دواخلنا ..
نعيها بانبهار .. ونصفق لها بحرارة ..

ونردد .. كل حرف ، كل كلمة ، كل بيت ..
نردد .. القصيدة مرات مرات ..

.
.


يقولون الوفا باقـي يقولـون الوفـا موجـود
وانا ما ني بقايـل غيـر يالله تقطـع الشبعـه

كبير


كبير



أطـــربت بها مسامعي




وأطربت لها بصري الأن







يا خالي العزيز



حلق ~~



فأنت بالفعل خــااااااااارج السرب تحلق وحيداً


بالحكمة



والتجربة



والمعنـــى




لك كل منااااااااابع الإبداع




ولنا منك هذا الفكر/الشعر





محبتي


.