قصيده للشاعر المعروف ضيدان بن منصور قضعان 100%

السلام عليكم ورحمة الله وبركاته***** أليكم هذه القصيده وأرجو أن تنال على أعجابكم**وشكرا الشاعر المعروف ضيدان بن منصور بن قضعان اشترى طير
وكان اسمه عند صاحبه الأول دهام ثم أطلق عليه ضيدان
اسما جديدا هو فواز لغرض شخصي وعندما أراد ان يعشي الطير ناداه بأسمه الجديد
فواز فواز ....
فالتفت إليه الطير
وقال:

ضيدان أنا أسمي دهام ما هوب فواز** أما أدعني يـا دهـام ولا بلاشـي
ما هوب حق تغير أسمي بلا أرمـاز**وأنا عذاب الخرب لا أقبلت حاشـي

فرد عليه ضيدان


لعيون بعض الناس سميت فواز**أسم يشابه لاسم صعب المناشي
اللي غلاه بثومة القلب حـزاز**تقبل له طعوني وتقفي عطاشي

فرد الطير


ما أرضى تسميني عليها ولا جاز**تغيير الإسم إلا بذبح الكباشـي
إذبح تميمه وأقلب الإسم فـواز**وإذا ذبحت الكبش ما صار ماشي
فرد عليه ضيدان


قلت فواز تكفى فكني بالتلعـواز**الحل عندي وأسمع العلم كاشـي
لازم تشوف اللي لها القلب ينحاز**عقب (ن) تجي فواز ولا شلاشي

فرد الطير

يالله مشينا والعمر يبغـي إنجـاز**يا ما نجـز بالهـدي ولا عراشـي
قم جهز اللـي ذاخرينـه وممتـاز**وعلي الطلاق إن عزبته من معاشي

وعنما وصلا إلى التي سمي الطير عليها شال ضيدان البرقع عن الطير وقال له هذي
اللي سميتك عليها فقال الطير

أنا أشهد إني يابن قضعـان فـواز**واني بعد فـواز جانـي خراشـي
يا حظ قلبك يوم فـي حبهـا حـاز**كحيلة مـا عاشـرة كـل لاشـي
يا ليتني رجلٍ لو أمشـي بمعكـاز**وأنخاك وأنخى مبعدين المعاشـي
وأنهض لطيف الروح وأجلا لشيراز**وأقضي بقايا العمر ما أحتر جاشي
في شرع أبن حنبل بتأكيد ابن بـاز**معروف راعي الحب قلبه هشاشي
وأنا لوصل ملوع الشيـخ معتـاز**أعوز من فراق السبوق الرواشـي
أبا أتمنـى والتمنـي بـه الغـاز**يا ليت جنحانـي لخلـك فراشـي
أو ليتني بيجر على الورك هـزاز**وألا قلم بيـن الجسـد والقماشـي