وجدي عليها

وجدي عليها
.

وجدي عليها وجد مضمي على بير=تقطعت دون الموارد حباله
غدى عليه الجو عج ومعاصير=ايّس ولاتعرف يمينه شماله
وجاه الفرج من عند وال المقادير=بعد العذاب اللي طواه وجراله
جوله طريقيه اعجالاً مداوير=وكلاً يقول اشرب من الماء زلاله
عليك ياسيد البنات الغنادير=طويتني طي الرشا بالمحاله
خليتني لااغدي ولاامشي ولااسير=مثل الهجير اللي محدد لحاله
وهموم قلبي بين ورد ومصادير=كنه على جمراً يزيد اشتعاله
وعزاه ياقلباً على واهج الكير=تلعبه الاحداث محدٍ دراله
من شانها قضيت وقتي مشاوير=متحملٍ جور الزمان ونكاله
ايامنا ترسل اشارات تحذير=الوقت الاول صار وقتٍ بداله
العمر ماضي والليالي مدابير=والناس هذا شد وهذا انزاله
مادامت الدنيا لبو زيد والزير=حتى القمر بعد اكتماله اهلاله
مانملك الا قول يالله عسى خير= يامدبر الدنيا عليك السهاله
ياعالم اللي صار واللي يبى يصير =عفوك ليا حطت علينا الجلاله
تنجي عبادك من عذاب وزمهرير=انت الكريم اللي عباده تساله
نرفع لك ايدينا ذلالٍ مصاغير=العود واللي تحت سن الوكاله

الشــــــــاعر / عـــبـــدالكــــريم الصـــــــــويدر

شاعرنا الكبير

عبد الكريم الصويدر

اهلاً وسهلاً بك

رائع وجزل

وليس بغريب

دائماً وانت شامخ وبكل حالاتك جزل

تحياتي وتقديري
لك
ودمت بهذا الشموخ
يا
ابا عاطف
..........
عايد السميري

ابو عاطف

كلامات رائعه

قصيده جميله

سلمت ودمت ايها المُبدع

تقبل تحياتي

محمد الرموثي

عايد السمري


اشكرك على الكلام الرائع منك


وشاكر لك على مرورك العطر على قصيدتي


دُمت بخير

عبدالكريم الصويدر

محمد الرموثي


الجميل مرورك هُنا


تقبل خالص شكري وتقديري


عبدالكريم الصويدر

متعب مرّ من هنا
ويقول


أخي الكريم
عبدالكريم الصويدر
لازلت في العلالي
لازال ذوقك يتحفنا
بما هو جميل ورائع
تقدير لك مكسو بالرياحين
وشكر مغلف بعمق الوفاء
هيا مع السلامه