سلام يا تبوك واللي سكنها

سلام يا تبوك واللي سكنها=درة شمال المملكه درة الخير
احبها واحب شعباً قطنها=حبي لها غير وحب العرب غير
دار الكرم والجود وان سئِِل عنها=دار الرجال الطيبين المناعير
لو هو بكيفي كان ما رحت منها=لكن الليال تسير العبد تسيير
دنيا تلون مير مكثر لونها=ياجاهلٍ فيها تشوف التعابير
يا جاهلٍ فيها تحرى فتنها=بعض مقاديم وبعضا مواخير
تقطع وتاصل والبلاوي ضعنها=هذي مواريدًا وهذي مصادير
مثل الذلول اللي يلولح رسنها=ما تقبل الناخه سوات الخواوير
محدٍ على وجه البسيطه ضمنها=حتى الملوك اللي تفج الطوابير
محدٍ سلم من شرها ومن اطعنها=لابد يلقى الادمي له عواثير
يادر ياداراً ضميري حظنها=حبيتها حب العرب للدنانير
من دونها ناقف ونامر وننها=ونذود عنها ما نجيب المعاذير
لو راحت الروح العزيزه كفنها=دون الوطن ندفع بالانفس فواتير
محلى روابيها ومحلى طمنها=ومحلى بها هاك الجبال المحادير
جعل المطر في كل يوم يهدنها=والخير له في كل يوم تباشير
وفيها ام سالم يوم تشدوا لحنها=تاخذ قلوب ملاعبين الغنادير

ابو عاطف

دائما مبدع

كلمات ولا اروع من شاعر رائع

دمت بالف خير ايها العذب

تقبل اعذب التحايا

محمد الرموثي

شاعرنا ابو عاطف

صح لسانك

صحيح الفـــــــــــــراق ( مـــّــر)

وتبوك واهلها يستحقون ما جادت به قريحـــــتك

دمت بخير

هالله الله

صح لسانـــــك

والله يرجعك لديرتك

علشان تنبسط

سلام يا تبـوك واللـي سكنهـا
درة شمال المملكـه درة الخيـر
احبهـا واحـب شعبـاً قطنهـا
حبي لها غير وحب العرب غير

سلام لك خاص ياعبدالكريم الصويدر
الله يعطيك العافية على القصيدة وصح لسانك

نعم قصيدة تعبر عن الغربة

وتراك قلبت المواجع

اه ياتبوك
ولك خالص احترامي وتقديري

ابو عاطف

صح لسانك

قصيده ولا اروع