للوفى والطيب عنوان

الملف الشخصي · 08-05-2006, 04:14 AM

يالجاهل اللي تحسب ان الوفى له يوم محتوم=انا لحقني من اللي للوفى والطيب عنوان
ابويه الله يديمه تاج راسي دايم الدوم=اللي ليا جا له المحتاج غير ايروح طربان
ان جيت في مجلسه ترتاح لونك قبل مهموم=والضيف يوفي حقوقه كلها من دون نقصان
والجار عنده على طول الزمن غالي ومحشوم=لونه بعيده دياره يذكره ويقول جيران
وانا معك كنت وافي لين شفت الدرب معقوم=ولاهو خطاي ان هجرت اللي يحب افلان وفلان
منته بملزوم في حبي ولاني فيك ملزوم=كلً عساه ابطريقه يسعده خلاق الاكوان
ماودي اشرح وش اللي صار لكن جتني علوم=خليت نفسك بري وتقول انا اللي كنت غلطان
كنت انت عمري ولافي بالي اخليك في يوم=واغليك حتى اكتشفت انك على فرقاي شفقان
نفسي عزيزه ولي مبدى ولي عادات وسلوم=لايمكن اقبل على نفسي تقول فراقنا حان
ماني بندمان واللي صاركله كان مقسوم=انته لغيري ورزقي عند رب الانس والجان
لاتحسبني على فرقاك ضايق كلي هموم=ولاتحسب اني على ذكراك طول الليل سهران
دام الوفى في حياتك ماله ايا كرت معدوم=قلبً سكنته عطاك امر الخروج وصرت نسيان

الملف الشخصي · 08-05-2006, 06:29 AM

,

حجـــــــــــــز ( 1 )

,

الملف الشخصي · 08-05-2006, 08:38 AM

اولا
والف نعم في الشيخ سليمان الوحيشي

نفسي عزيزه ولي مبدى ولي عادات وسلـوم
.............................لايمكن اقبل على نفسي تقـول فراقنـا حـان

وصح لسانك
واثاريك اقشر لا زعلت

الملف الشخصي · 08-05-2006, 11:02 AM

راعيها يابو سليمان

صح لسانك لاهنت ..

دائما رائع ..

ولكن !!

للقصيده قصه وسوف اسمعه مك انشاء الله ..

محبتي واحترامي اخي سليمان ..

ولا تنسى ...!!!

انا بنتظار المزيد من الابداعات ..

زاد الشقى