قصيده للشاعر*سعد بن تويم السهلي

حـنّـا هـــل الـفـزعـات مـرخـصْـت الأعـمــار=نـقـلـط عـلــى الـمــوت الـحـمـر مانـهـابـه
ورجـالـنـا لا صـــار فـــي الـوقــت مـاصــار=دون الــخــوي يــاقــف بــعــزم وصــلابــه
يـومـن رصـيـد الــلاش فــي كـثــر الأعـــذار=حــنــا نـسـرّيـهـا مــســـاري الـذيــابــه
ورجـالـنـا يـــوم الـوطــن هـجــن ومـهــار=فـــارس ويـدفــع فـــي الـمـعـارك شـبـابــه
يـقـلـط عـلــى الهـيـجـاء ولاهـــوب يـنـهـار=الــمــوت عــنــده والـحـيــاة مـتـشـابــه
الـلـيـل والـبـيـداء لـنــا ســلــم وشــعــار=والـسـيــف والـبـنــدق بــوقــت الـمـجـابـه
حـنــا الـسـهـول الـلــي مواقيـقـنـا كــبــار=يـفـخـر بـنــا الـتـاريـخ داخــــل كـتـابــه
حـنــا وحـنــا لـلـفـخـر عــــز وســتــار=يـــوم الـــردي مـاحــدٍ يـحّـسـب حـسـابــه
مـنــا بـنــي حـمــدان حـمـايــة الــجــار=كـــم غـــزوةٍ جـابــوا طـمـعـهـا كـسـابــه
وتــرى الـبـرازي عـنــد زوغـــات الأبـصــار=كــم مـــن عـقـيـدٍ حـولــوا بـــه طـلابــه
وتــرى الظهـيـري يحتـمـي الـمـوقـف الـحــار=لا جــــا الـمـزايــد والـقـشــر والـنـشـابـه
وتـــرى ولـــد قـبــان قــــد جــالــه ادوار=كـــلٍ ذكــــر فـعـلــه ولابــــه غــرابــه
وابـــن عـلــى لا كـتــم الــجــو بـغـبــار=رجـالـهــم يـاسـعــد مـنــهــو غــزابـــه
والمنـجـلـي لا صــــار مــــارد ومــصــدار=سـيــفٍ يـقــص الـعـظـم مـضــرب نـصـابـه
وألاد ابــــن سـلـطــان وافــيــن الأشــبــار=رجـالـهـم فـــي الـطـيــب كــــلٍ درابــــه
وتــرى الصـعـوب صـعــوب والـعـلـم مـقــدار=أخــــذ الـخـبــر يـامــدوريــن الإجــابـــه
وتـــرى العـبـيـد رجـــال وقـــروم وخـيــار=والــلــي نــواهــم عــجــل الله ذهــابـــه
وانـــا محـلـفـي مـــن بعـيـديـن الأنــظــار=أهــــل الـمـحـاجـي فـعـلـهـم يـنـحـكـابـه
لا نــوخــوا قــــدم الـمـعـاديـن و انــــدار=وابـلـيـس حـضّــر عـدتــه مـــع زهــابــه
رجـالـهــم يــرخــص حـيـاتــه لـلأخـطــار=يـــوم إن بـعــض الـنــاس فـعـلـه هـبـابــه
يـالابـتـي يـاهــل الـوفــاء ســـر وجــهــار=يــاهــل الـفـعــول الـطـايـلـه والـحــرابــه
انـتــم هـــل الـوقـفـات مـاضـيـن الأذكــــار=يـــوم الـزمــن مـثــل الـريـمـوت انـقـلابـه
هـــذي عـوايــد لابـتــي يـمـيـن ويــســار=يـحــق لـــي لا قـلــت مـــن روس لابــــه
حـتــى بـنــات الـفـكـر مــاعــاد تـحـتــار=تـدحـم لـيــا مـــن الـوفــاء فـتــح بـابــه
يـشــوش راســـي يـــوم اغـنــي بـالأشـعـار=ولا رحــم أبـــو مـــن لا يـشــوش وجـنـابـه
والـبـنـدق الـلــي مـاتـجـى قـطــر وعـيــار=فــي مــدح نـــاسٍ مـجـدهـم يـقـتـدى بـــه
بعـهـا بـوسـط الـسـوق مــن ضـمـن الأسـعــار=لا خـيــر فـــي رجــــلٍ تــوانــا ركــابــه
وكـــل القـبـايـل عـنـدهـا طـيــب وأخــبــار=وكـــلٍ حـســب فـعـلـه يـفـصــل ثـيـابــه
والـيـوم سـاعـة حـمـد تضـفـي عـلـى الـــدار=صـــار الأســـد والـذيــب ربـــع وقــرابــه
فــي ظــل أبــو متـعـب عـسـى ايـامـه كـثـار=يالله عــســى لــــي دعــــوةٍ مـسـتـجـابـه
مـوجـز بـسـيـط ومخـتـصـر عـبــر الأقـمــار=ومـاكـل مــن يتـعـب عـلــى الـــورد جـابــه
أزكـــى التـحـايـا عـــدّ هـمــال الأمــطــار=بـالـمـسـك والـريـحــان عــــز ومـهــابــه
تنـصـى بـنـي عـمـي هــل الـطـيـب والـكــار=أهــــل الـحـمـيـا والـظــفــر والــذرابـــه
والـمـعــذرة مــــرة وثـنـتـيـن وأمـــــرار=شـاعــر وأمـثــل عــزوتــي بالـنـيـابـه

محمد عوده بن رفاده..

سلمت يمينك .. والله يعطيك العافية على هذا النقل ..

.

يعطيك العافيه يابو عوده على القصايد الحلوه والقادم انشاءالله احلى