البعير اللي هشم راس راعيه

أعتذر لكم عن طول الغياب وعن التأخير والإ نقطاع أرجو أن تعذروني وأنا آسف وأليكم هذة القصيدة وأرجو أن تليق بكم وبمنتداكم العامر بسواعدكم ومشاركاتكم وهي تتكلم عنة الشعر :

قم يا قلم واكتب هواجيساً جداد= أكتب كلام ومزهبه منّه وفيه
اكتب كلاماً حلو يغني عن الزاد= مثل العسل للي يفسر معانيه
اكتب كلام ولّبسه ثوب الاعياد= والعيد يُعرف من هبايب عصاريه
واكتب كلاماً فيه وقفه وميعاد= للي ينومسني بفعله وطاريه
سالم*ولد من تعرفه كل الاشهاد=ليثاً ولد ليثاً فلج في مباديه
قله ترى الايام مصدر وميراد= هذا تحضّربه وهذا توديه
بعض العرب ناقص وبعض العرب زاد=هذى حضوض وكل واحد وعانيه
والاطيب اللي ماينّقص ولا زاد= لا يشاري العلم ولا هي تشاريه
خطو الولد صقراً على كف هداد=ان هّدة الصقار كفه يحّنيه
وخطو الولد سماً على بعض الأكباد= على العدو واللا صديقه يداريه
وخطو الولد ما ينقطع باول الماد=ياصل مع اول فوج حرة مماشيه
اعيال عمه عزوته ضد الاضداد=ما عمرة ازعل منهم اللي يواليه
واللي بعيد يواصله لو بالاعياد= وهذي سواة اللي يقّدر عوانيه
والشايب اللي جاهد الوقت بجهاد= حبه على خشمه وحبه على إيديه
ولاني على الايام والناس نقّاد=لا شك لي هاجس قديمه طواريه
دار الزمان وبانت أحوال الأجواد= اللي يشيل الحمل واللي يوطّيه
لا عاد اشوف قّليل العرف لا عاد=اللي ليا انه قال (قوله) يوّفيه
وليا فعل ينقص به الفعل ما زاد=سليم وجه ونّيته في علابيه
ما فاد فيه العيش والملح ما فاد=مثل البعير اللي هشم راس راعيه
انا ادري ان الوقت قاسي وجّلاد= خّلا خوي الدرب ياكل مخاويه
بعض العرب شاعر وماهر وقصّاد= لكن يدس السم داخل قوافيه
نفسه مريضه كلها حسد وأحقاد= وأقرب قريباً له بشعره يواذيه
الشعر له حكمه وله فن وابعاد= والشعر له ناساً تجيبه وتعطيه
عيناً تنام وعين ما صابها رقاد= تبغى دروب العز والمجد تبغيه
أحداً نظر عينه على كل الابعاد=واًحداً نظر عينه على حد رجليه
واحداً نظر عينه على خرج وشداد=واحداً نظر عينه على شي يلهيه
الوقت باقي والبشر جنسها باد= بس الحضيض اللي يجّود مبانيه
زالت ثمود وزال من قبلها عاد= وين أنت يا للي منغمس في ملاهيه
وصلاة ربي عد ما حّن رعاد= وإعداد ما هّل المطر من مناشيه
على رسول الله على محمد الهاد= اللي على الأمه حميده مساعيه

*سالم المذكور في الأبيات هو سالم بن عبدالرحمن الفريعي أبن عمي وأخي

أخي / عبدالله مناحي منقره


دخلت لأقول حمــــــــــــداً لله على سلامتكم .. و عوداً حميداً لمنتداكم


أعتقد أن هذه القصيدة كافية لأن نتقبل إعتذاركم عن الغياب



مع خالص تقديرنا لكم .

ولاني على الايام والناس نقّاد=لا شك لي هاجس قديمه طواريه
دار الزمان وبانت أحوال الأجواد= اللي يشيل الحمل واللي يوطّيه

الغالي عبدالله مناحي ..
.,..

فوق هام السحب ..

الحمدلله على سلامتك ..
ومرحبا بك من جديد

..

.
تقبل تحياتي
؟؟
.
رضا الجحرش

الشـعـر لــه حكـمـه ولــه فــن وابـعـاد

والشـعـر لــه نـاسـاً تجـيـبـه وتعـطـيـه

احسنت وصح لسانك

بعـض العـرب شاعـر وماهـر وقـصّـاد=لـكــن يـــدس الـســم داخـــل قـوافـيــه
نفـسـه مريـضـه كلـهـا حـسـد وأحـقـاد=وأقــرب قريـبـاً لـــه بـشـعـره يـواذيــه
الشـعـر لــه حكـمـه ولــه فــن وابـعــاد=والشـعـر لــه نـاسـاً تجيـبـه وتعـطـيـه

ابوعلي
حيّاك الله
وصح لسانك على الرائعه ..... الى مالانهاية

______

______
هنا .. الشعر
هنا ... الابداع / الابداع
هنا ... الكلام اللي مابعده كلام
هنا ... الشاعر : عبد الله مناحي منقره
اذاً ..... لا غريب ../
دائماً .( ابو علي ) .. جزل .. وبكل حالاته مبدع وشامخ
................
استاذي / عبد الله
اهلاً وسهلاً .. وحمداً لله على سلامتك
* حقيقه : حضور ينسينا .. الغياب /
سلمت ودمت .