فنجالك

مساكم الله بالخير جميعاً هذه اول مشاركاتي في هذا المنتدى الجميل اتمنى ان تحوز على أعجابكم

فنجالك اللي يغث الروح لي سوقه=فنجالك اللي سقالي عروق ضميانه
لو كان موتي فيدك اليوم لا ذوقه=شرهان قلبي وأنا والعين شرهانه
أدخل حشى اللي شكى للقلب معشوقه=وسكن خلايا وريد الدم وشريانه
وسكن عيوناً لجل رؤياك مسروقه=ورموشها اللي عليك اليوم ذبلانه
أنتي ربيع الهوى والشمس وشروقه=وأنا وروداً لضوء الشمس ولهانه
وأنتي بحور الهناء والموج وطروقه=وأنا سفينه في سوط بحور غرقانه
وأنتي سحاباً تفز العين لبروقه=وانا ليالي تحرا البرق سهرانه
القلب حراً قطعت اليوم أنا سبوقه=القلب حر ويحب اليوم شيهانه
أنتي ملاكاً عن الحلوات مفروقه=وصفك غريباً وفيك عقول حيرانه
أنتي ملاكاً ولجل العشق مخلوقه=أخاف ربي لا قول اليوم رهبانه
إن غبت عني تصير النفس محروقه=هايم بحبك يا بنت الروح هيمانه
حبست قلبي وحبست الدم بعروقه=وحبس عيني وحبس الروح من شانه
وسرح بفكري كما اللي يسرح بنوقه=عطشان وصدر وحتى النوق عطشانه
وفنجالك اللي يرد الروح لي سوقه=يدفي جروحاً في وسط القلب بردانه

اخوي الصعب
الله يحييك
نور قسم الشعر
وصح لسانك وسلم بنانك
ننتظر جديدك
والله يحييك
وتقبل خالص الموده











عبدالله

هله هله
يالصعب
نص رائع
صح لسانك وسلم بنانك
وننتظر نزفك الجديد

الله ..
الله ..
الله ..

.

الصــــ ع ــــــبــ
رفقاً بنا
الجمال دفعة واحدة يربك
لله درك .

واهلاً بك , ومرحباً .

أخوي عبدالله سليمان هلا وغلا وصح بدنك يالغالي شاكر لك مرورك الجميل وشكراً على الخلفيه الجميلة

ياسر البلوي حياك الله أخوي صح بدنك ولا عدمناك الرائع هو تعقيبك الجميل