دمعه على خد رجال...! ماذا تعني؟

بسم الله الرحمن الرحيم
اعزائي واحبتي
كل عام وانتم بخير
كان من المفروض ان نحضر للعيد شىء
يليق به
ويليق بذائقتكم العذبه
واعتبر هذه المشاركه تسجيل وجود
واعدكم بالمزيد والجديد
.
المشاركه قصيده
والقصيده تقول

وش تعني الدمعه على خد رجال=دمعه على خده تحدر وسالي
لاابوه مات ولا بعد مات له خال=ولاهو مريض ولا فقد له غوالي
وذيب الخلا باليل عاوي وجوال=شاف العشا لكن صعيب المنالي
طواه جوعه مالقا فيه مدخال=واصبح عليه الصبح واعواه عالي
وتايه طريق بوسط صحراء لها لال=ماها سراب وضلها هملالي
غلق زهابه والقدم حافي نعال=ومن حرها يركض ومشيه عجالي
والا فقير وراس ماله ولا اريال=خمسة اعيال وصبركم ياعيالي
يالماء يغذيهم يبي سترة الحال=فرشه حصير ولا يعرف الزوالي
عزيز نفس ولا عرف عزة المال=يخشا المذله لا طلبهم اريالي
يعرف ميادين الكرم بن وادلال=وذبح السمين وطيب هرج(ن) وفالي
ولا جاه ضيف(ن) ماشره شرب فنجال=ماهو بخل لكن أسوات الليالي
حالي كما هم كان تنشد عن الحال=يلي عن احوالي وهمي تسالي
ماشاقني مجلس وملعب ومقيال=ولا شاقني لعب(ن)ولهو وتسالي
ولا شاقني من تلبس الثوب والشال=ام العيون اللي هدبها اضلالي
اضحك وكن القلب يبراه زلزال=وتسعين هزه ترجفه باالتوالي
يرجف بمعلوقه من الجال للجال=وتصلاه من نار السعيره صوالي
لكن نرضى بالقدر زي ماقال=مادام حضي بين قوسين مالي

وسلاأأأأأأأأأأأأأأأأأأأأأأأأأمتكم
وصحة ابدااانكم
مافات هديه من القلب الى محبي الشعر ومتذوقيه
ودمتم سالمين
!!
!
الشاعر/ مسلم بن عواد بن رويشد البويني البلوي(ابووافي)