للرجال فقط !! ممنوع دخول( الغنادير) ..قصيدة

بسم الله الرحمن الرحيم
احبتي/
تحيه طيبه
هذه القصيده مطلوبه والا مالي نيه انزلها المنتدى
تحيه للأخ محمود الجذلي
.
.
(حواء) ممنوع الدخول الرجاء عدم الأحراج
.
وسلااااااااااااااااااااااااااااامتكم
وصحة ابداااااااااااااااانكم
^^^^^^^^^^^^^
للتنويه: الكتابه تعبر عن رأي كاتبها فقط
القصيده تعبر عن رأي شاعرها فقط
ــــــــــــــــــ
القصيده لها مناسبه
وماورد لايشمل إلا من قيلت به القصيده
والله يستر على بنات الحلال
اللي يبن الستر
ــــــــ
.
.
(آدم) تفضل بالدخول
اهلا بكم
وإلى القصيده
.
.
الطير المذكور طير الشوق
(ويقول)

لاتمتحني بالغنادير ياطير=مبغى يضيع اليوم باقي ودادي
لاماشقاني صابغات المناكير =اللي من المكياج مثل الرمادي
لبس القصير وراعيات التنانير =وفتحه مع الساقين لجل البرادي
خلن بناطيل الخواجات تطوير=والشعر صبغه واسفل الصدر بادي
والعصر راحن بالتكاسي مشاوير=مرباعهن بالسوق والجو هادي
وسط الشوارع سببن زحمة السير=صارن على الخياط مثل الجرادي
محضوظ يالهندي بورد ومصادير=يدفع حسابك ناعمات الأيادي
اللي لهن بالسوق حطوا مناظير =والأمر بالمعروف شيخ(ن) مفادي
مقضاتهن فصفص/ وعلك /ومعاطير/=وشرطان راشد مع مقاطع عبادي
من بعد هذا كيف ترجي بهن خير =يلي تسب اضبي سهل البوادي
بنات البوادي حافضات المقادير =شوقي لهن والشوق بالحيل زادي

وسلااااااااااااامتكم

*مسلم بن عواد البويني
________________
شكر وتقدير
الف الف شكر للشاعر الرائع /عايد السميري على التنسيق ووضع الخلفيه

شاعرنا الرائع

مسلم البويني

اسعد الله صباحك بكل خير

اولاً : سلمت ودمت وصح لسانك على هذه القصيده
التي اقل مايقال عنها رائعه
وارجومنك المعذره / على التدخل بالتنسيق وهذا لكون القصيده تستحق ان تظهر بمنظر يليق بها

ثانياً : سجل اعجابي ومتابعتي
وتقبل احترامي وتقديري

* عايد السميري

شاعرنا الرائع

مسلم البويني

اسعد الله صباحك بكل خير

اولاً : سلمت ودمت وصح لسانك على هذه القصيده
التي اقل مايقال عنها رائعه
وارجومنك المعذره / على التدخل بالتنسيق وهذا لكون القصيده تستحق ان تظهر بمنظر يليق بها

ثانياً : سجل اعجابي ومتابعتي
وتقبل احترامي وتقديري

* عايد السميري

ـــــــــــــــــــــــــــــــــــــــــــــــــ
بسم الله الرحمن الرحيم
أخي / الشاعر عايد السميري
صباح النور
واعجابك وصل
أما التنسيق خذ راحتك انت منسقها وسمها
(ولو) الثقه موجوده اعزك الله
المعذره ترى انا أعليمي بالكميوتر والأنترنت
وجديد على النشر والمنتديات
احتاج الى مثل دعمك ومساعدتك
اقدم منك بيوم اعلم منك بسنه
فلا تبخل علينا
ودمت اخا غاليا

,

ابو وافـــــــــــــي

.
.

لا يسعني وأنا أقرأ ما تكتب الا أن أبحر فيها رغما عني
فانت تتسلل الى الروح كنسمة جميله تنساب فينا كل صباح.
ايها المبدع لا تقف عند حدود .. انطلق .. الى كل روح تتشوق الى حرفك
ثقتي بقلمك ليس لها حدود.. فانثر ابداعك ..فنحن بشوق لك ولقلمك

.
.

لك مودتي //اعجابي

محمود الجذلي

صح لسانك
على القصيده الجزلة

صح لسانك
على القصيده الجزلة

ـــــــــــــــــــــــــــــــــ
اخي بندر المساوي
صح بدنك
وشكرا على المتابعه والأهتمام
ودمت اخا غاليا