لاضاق صدري (والرد)

وجه لي الشاعر \ فالح رشيد السميري (خالي)هذه قصيده وقمت بالرد
وإليكم القصيدتين

لا ضاق صدري قمت الوم الليالي = والذنب ذنبي والليالي بريه
والعمر يفنى زي نبت الرمالي = والمسعد اللي ماوقع بالخطيه
واللي حفظ دينه ورزقه حلالي = ولوالديه النفس دايم رضيه
وللضيف والجيران مثل الزلالي = ونفسه على الهقوات فوق المطيه
واما ردي القوم طعساً هيالي = وعزي لمن وده من الطعس فيه
وانا بحث القاف حث التوالي = وقت العجل مقصد ركوب الرديه
سلطان يامشكاي حل المجالي = يابن الكريم اللي علومه جليه
خالك شكا وقته بعدل وميالي = وعجف الليالي سببت له قضيه
والبير يصعب كون مابه محالي = تكسر عروشه نوب شدة دليه
والورده اللي ماوطتها النعالي = تستقي من جوف عرق الوديه
من دونها عقدت معقدات الحبالي = والحبل ملوي له ثلاثين ليه
والقاف واضح مثل شكل الهلالي = ومن جا بحل اللغز ياخذ هديه

doPoem(0)

الررررررررررد

سر يانديب أفكار ليلاً صفالي = وأنت الوفي مامور يمنى سخيه
دون سلامي والتحيه لخالي = وابعد مرام احروفك الأبجديه
ولاهنت ياحرفاً قريب المنالي = جود مرابيط المهار العصيه
وقت الرخا عشته وكلاً حكالي = من له رفيق يقول مافيه زيه
ومن بعد رفقه يومها المر حالي = باول لزومه مل رفقت خويه
واعرف شديد الوقت صلف النزالي = به ترتفع روس الرجال الوفيه
أفعالهم ترقا بهم راس عالي = شامو عن ادلال العفن والبليه
وفوق البسيطه من نزل عجل شالي = ياعسى البطال فيها الضحيه
ويامونس الهوجاس لالا تبالي = ربعك لهم صفه و وقفه وهيه
والعقد ينقض لاتلا العلم تالي = ماهمنا ميراد حوض المنيه
والدفع نقد وصرفنا بالريالي = والعد بالمليون لو كان ميه
واللغز حله عند منش الخيالي = عالم خفايا الكون رب البريه
وانا على المقصود ياوجد حالي = وجد الغريب لعز ربع وحميه
أو وجد ملهوفاً على شوف غالي = المانع اكبر من مبرر مجيه

doPoem(0)

وسلامتكم
اخوكم \ سلطان السميري

جزل وأبن الجزل يا سلطان السميري

القصيده رائعه

والرد أروع

دمت بخير

سلطان السميري
ابداع مع تفنن
صح لسانك وسلم بنانك
ننتظر المزيد من نزفك

راع ياسلطان السميري والرد الروع
أسال الله أن يبارك فيك أخي الغالي

سلطان السميري

ابهجني ماكتبت بقلمك وما سرد به خاطرك

صح لـــــسانك .. وسلم بنانك ..

بأنتظار جديد أبداعــك ,,

تحياتي
ناصر ابن طليحه

ابو علي يشرفني مرورك

وشهادتك وسام على صدري

وتقبل تحياتي