من يومياتي التعيسه (بحر الشوق)

السلام عليكم ورحمة الله وبركاته
بسم الله الرحمن الرحيم
ابغا احكيكم عن اتعس يوم مر على بحياتى
يوم الجمعه كالعاده تطلع الوالده تصحينى لصلاة الجمعه وهذاك اليوم صحتنى وقالت قوم صلي
والغدا اليوم عليك تغدينا على حسابك قلتلها ابشري يام دحيم الغدا على ولايهمك انتى تامري
بعد ماخرجت من الصلاه وقفت عند الصراف ابغا اصرف ودائما احط المحفضه حقتى بدرج السياره
طبعا المحفضه انا مااحط فيها فلوسى دائما مخليها للبطايق والرخصه والخربيط هذي وادور المحفضه
مانى لاقيها ياناس ياعالم قبل 3 ايام صارف من الصراف وين راحت ومو من عوايدي انى انزلها البيت معاي
طيب رجعت البيت وادور بالسياره مانى لاقيها ادور بالغرفه مانى لاقيها قلبت البيت فوق تحت مافيه شي
يادى الليله المهببه طالعت في الوالده وقالتلى خذ ياولدي الله يصلحك هذى 100 ريال جيب فيها غدا ولاترجنا
رحت اجيب الغدا ورجعت مالى نفس اتغدا
طيب ايش الحل يادحيم والله انها ورطه اتوقعوا المحفضه ايش فيها ؟
1- بطاقة الاحوال المدنيه >>>>>>>>>كيف اثبت انى سعودي
2- بطاقة الصراف لبنك الراجحي
3- بطاقة صراف بنك البلاد
******* هذى تخصنى انا شي سهل بدل فاقد وانتها الوضع
لكن الادهى والامر ايش
الوالد عندي متقاعد عسالله يعطيه طولت العمر ومخلي بطايقه معاي اصرفله الراتب لما ينزل
1- بطاقة صراف العربي حقت راتب ابوي
2- بطاقة صراف للراجحي الخاصه فيه
**** طيب هذا ابوي سهله الله لايهينه يروح للبنك ويطلب بدل فاقد
لكن الى اخس واللعن ايش
صاحبي يدرس بامريكا ومخلي عندي بطاقة الصراف حقته عشان الاكتتابات وبيع الاسهم
اكتتبله لما يكون فيه اكتتاب وشلون اطلعله بدل فاقد
جيت طاير والاقي البنقال حقى الى يغسل السياره قلتله وين المحفضه يامير الاسلام >>>>هذا اسمه قال مافي معلوم وانزل فيه تلطيش بس
بحنيه تعرفون انا قصير شوي يعنى يجيب اخوياه البنقالى يكمخوني ولكن لم يفدنى بش تهي تهي تهي تهي
صابتنى حاله عصبيه هذاك اليوم وصرت زي المرجوج قلت ياولد اصبح للين السبت وربك يحلها
صحيت الصباح وانا كلي نشاط وحيويه طبعا عشان فاطر كرون فلكس
وعلى الدوام وقعت وقلت للمدير ترا مانى فاضي اليوم وراي شغل بعد اذنك ولاتتصلون على لين اجي من نفسي
وعلى طول على الاحوال المدنيه والاقي واحد نفس شينه مع الصبح قلتله يالحبيب مضيع بطاقتى ابغا اطلع بدل فاقد
قال طيب عبى الاستماره هذى وجيبه واعبيها قال جيب 2 شهود قلتله من فين اجيبلك الناس الى بدوام والى طالب ياخى
مشيها مانى سعودي يعنى عشان اجيبلك شهود واعطانى نظره ثاقبه وقال جيب شهودك بس ولا يكثر
وجيب اثنين شهود وفرحااااااااااااااااااااااااااان قلت بس اللحين يقول روح التصوير
قام قلي توكل على الله وتعال بعد 15 يوم
ياربي طيب ياخى وشلون اصرف فلوسي من البنك لازم اثبات
المهم وعلى اقرب بنك للراجحي ولاقي موضف زي الى فوق نفسه خايسه قلت ياعمى ابغا بطاقه بدل فاقد
قالى هات اثباتك قلت كل شي عندي ضايع تبغا رخصه هذى هي
قال اسف مانقبل الا بطاقة احوال
طيب وشلون اصرف فلوسي ياخى حرام عليك طفران بطاقتى ضايعه
قال الله كريم
ورجعت خايب ومتحطم
واجيك منبرش يعنى (طاير ) على بنك البلاد فاكر فيها 1200 ريال قلت للموضف ابغا بطاقة صراف وابغا اسحب اللحين فوري كعادت الدوائر الحكوميه (اعطينى اثباتك ) قلت ماعندي ضايعه قالى اجل دور اهلك مع السلامه
وحل بي الحزن والهم ورجعت خايب
وطالع الا هذا بنك العربي قلت مالى عن فلوس الشايب >>>>>>>معاه وكاله شرعيه عامه
وادخل معاي وكالتى واصورة اثبات الوالد قلت بتميلح طبعا مسوي محترم صباح الخير ياقمر قلى هلا ابوي
قلت حبيبي الوالد فاقد بطاقة الصراف ياريت تطلعونلي وحده جديده وهذى وكاله شرعيه قالي بكل برود
اسف ياقمر مانقدر نعطيك لازم بحضور الوالد
قفلت كل الابواب بوجهى وكان اسواء سبت مر على بحياتى
قلت ياولد طنش الدوام وعلى البيت ريح شوي وطقطق على النت لين ربك يفرجها
واروح البيت ودق الجرس ودق الباب ماحد راضي يفتحلى ياناس ياعالم واتصل جوال تلفون ماحد راضي يفتح
ياربي رحمتك وش النحاسه هذى
واطلع الملحق حقى وادخل غرفتى فاكر فيها لمبه خربانه والثانيه شغاله
اشغل طلعت الثانيه خربانه مثل اختها قلت لالالالالالالالالالالا فيه شي صاير
ياربي انا وش سويت احد داعي على قلت ياولد مالى الا ارجع الدوام ويجيك دحيم
راجع للدوام الا هذا مديري قافله معاه وينك قلت والله مشغول وتعبان ومنحوس وكل انواع
القهر معاي قام ينافخ على ويرفع صوته ماصار دوام هذا همله لاتخرج اليوم الا بنهاية الدوام
قلت ياولد ايش تسوي مع الحض الزفت هذا
واجلس اطقطق بالجوال قلت ياولد خلينى اتصل على صاحبى الى بامريكا احكيه وافضفضله
يمكن يسحقنى بكم نكته وافرفش واول ماتصلت عليه مااسمع الا صوت طو طوطو يوجد لديك مكالمات محضوره
فصلو الجوال وصل للنهاية الحد الائتماني صرخت صرخه مدويه سمعها كل الى بالمستشفى ايش الحض الزفت هذا
رجعت البيت وانا مطقطق من القهر والتعب والطفش قلت ياولد مالى الااروح لواحد من اصحابي شغال ببنك الراجحي
العصر ولو انى من زمان عنه وصعب اجيه عشان مصلحه
واتغدا وانام ولا اصحى الساعه 11 بالليل قلت الله يخارجنا ايش الى صاير ياناس
وكان فيه واحد من اصحابي زمان يوم كنت صغير عندنا بالحاره والولد يعنى مدهمل نفسه
وبايعها وصايع وكنت دايما انقهر يوم اشوف حالته واحتقره بعض الاحيان قابلته الساعه 12 بالليل وانا رايح اتعشا
سلم على وقالى سلامات اشفيك طفشان قلتله والله يابو الهرجه كذا وكذا وكذا
قالى افاااااا والله يادحيم بكره لسنع امورك كلها ازهلاها بس عندي
قلت من جدك انت ولا تتونس على اخر الليل انت ووجهك
قال بكره تتصل على الساعه 8 الصباح ومالك الا الى يدبرك قلت اوكى
الصباح قابلته قلت لازم افطره عشان يكون عنده طاقه وحيويه قلت ايش نفطر ايش رايك
قال من حمص ريفي قلت ول تجلدنى بفطور غالى يالنذل قال يعنى
فطرته والله وهو ياكل تحس انه متحمس جدا للفزعه ونروح للبنك الراجحي ويدخل على المدير
ويكلمه شوى الا المدير جانى هلا اخ عبدالرحمن استريح ويجبون لى قهوة تركي قلت لا اجل فيها انا
والله ويجيبون لى استمارات وياخذ رخصتى وصورة بطاقة الوالد والوكاله الشرعيه وصورة بطاقة صاحبي
والله جلست ربع ساعه الا جيبلي البطايق وقال دخل ارقامك السريه
يالطيف ماشالله عليك كل هذا والله انك ذيب ياولد قال بدري ماشفت شي روح للبنك البلاد بس فرع قربان
ويدخل وانا وراه زي التيس ويسلم على رجال قاله هذا صاحبي مضيع محفضته وفيها بطاقة الاحوال وبطاقة الصراف
تكفا طلعله بطاقة صراف بموجب الرخصه قال ابشر
ويعطينى استماره واعبيها واخذ بطاقتى وامشي
قلتله تكفا باقي بطاقة ابوى قال سامحنى ماعرف احد بالعربي
قلت تكفا بطافة الاحوال طيب قال ابشر
ونروح ونلاقي واحد شبهه ويكلمه ويطلعلي بطاقه بعد صلاة الضهر طلع >>>>>اخوه النذل
والله يوم خلصت وانا محد قدي من الفرحه وارجع البيت فرحان قالت الوالده وينك قلت رحت اطلع بطايقي
قال ماشالله عليك خلصتها قلت ايه ولدك ذيب لاتخافين عليه
قالت جاء رجال الصباح وحط المحفضه حقت عند الباب يقول لقاها طايحه عند الصراف الى بحارتنا
قلت يادي الليله المهببه
اللحين الى جابه بعد المرمطه وينه ماجابه من يوم الجمعه
والمثل المصري يقول
(المنحوس منحوس حتى لوحطو على راسه فانوس )
والحمدالله الله ستر وسلم
حبيت احكيكم عن المقلب القوى الى اكلته
**********مايستفاد من القصه ***********
1- لاتحط محفضتك بالسياره مره ثانيه
2- لاتتسرع وتلطش البنقالى الى يغسل سيارتك
3- لاتحتقر اي واحد خربوط وتستهون فيه >>>>يمكن يطلع زى الرجال الى سنعني
4- لاتتشمت علي بقوه ترا مااتحمل