طفشش,,,,,,,,, طفشش

ياللي تقول ان الطفش لاعب(ن)فـــيك=ضايق وضاقت بك وسيعات الاكـــــــوان
اسمع كلامي ياعسى الله يهــــــــــــديك=هذي نصيحه لك من اخوك حمــــــــــدان
مادام عينك في نظرها تقـــــــــــــــــديك=ماانته كفيف يدلك فــــلان وفـــــــــــــلان
واذنك بها تسمع حكي من يحــــــــاكيك=ماتنتظر للترجمـــــــه لا حكى انســـــــان
والدرب رجلك لا نويته تــــــــــــــــوديك=ماانته كسير العظم والجسم سقمـــــــان
وبكل شي الله عن الخلق مغــــــــــــنيك=ما اصبحت والا امسيت جايع وعطشـان
ولا انته غريب الدار والبعد حــــــــاديك=بينك وبين اهلك مســـــافات واوطـــــان
ولا انته اسير(ن) في يد اللي معاديك=ولا انته سجين مطالب بحــــــــــق ديــان
آمـــــن بدارك حـــــــــــــر ربي معافيك=ياشيخ خاف اللهِ لا تقـــــول طفشـــــــــان