قصيدة التوبة لــ(سعد علوش )

من
روائع
الشاعر //
سعد علوش
............................... .. قصيدة ( التوبة )

من كل حرف , وكل شهـوة صبابـه = استغفـر الله واتعـوذ مـن ابليـس
اعـوذ بالـي آوى عبـد وسرابـه = لاجي نهار الحشر خلف امرئ القيس
يـارب , يـارب الكـرم والمهابـه = يالـي لـك اعـلام الأوادم مناكيـس
جردنـي مـن النابيـه والسبـابـه = ولبسني من دروع هديـك متاريـس
تعبت مـن مسـك القلـم والكتابـه = والشعر , وفتـن النسـا والأباليـس
والمدح في عـزوة وشيـخ وقرابـه = واللاء .. لدعوات الرضيين والليـس
والحب وما حولـه ومالـه وهابـه = والدمـع لاهبـت علـي النسانـيـس
والشـوق وغفـال العقـل وانغلابـه = والليل وخطط الدها .. والجواسيـس
والشهرة وحكـي العـرب واللبابـه = وزملوق شـف ماتعسـه عواسيـس
وحصر اسمي فشاعر فساحه غرابـه = شعارهـا فيهـم رخـوم وملاحيـس
وانـا لعـطـاس الأوادم سحـابـه = ومن خلقتي ماقد وطيـت الدنافيـس
تاكـي علـى ارث الأسـم بالنيابـه = واقطف خلاصه ما اغرسوه الغواريس
احسبنـي فايـز بالرضـا والذرابـه = واثري مثل من يحصر النور في كيس
اقفي من الله والامـل والرضـا بـه = واروح ادور من ورا ابليس احاسيس
اسهر علـى فـن الكلـم والخطابـه = واصبح ولين الي جمعتـه حماليـس
قلـبـي لـعـزاف الأوادم ربـابـه = وراسي لخطوات الشطانه دواعيـس
تقودني نفسـي ولا اشعـر ولا آبـه = مالت عليهـا عاصيـات الهواجيـس
من عنده ان كـل الشعـور يتشابـه = روس مع الي في الدحادر مراويـس
الاثم ماحاكه في خفـوق وخفـا بـه = والخير ما شاعته روس النواميـس
كم شـي صـار وصـار مايندرابـه = وكـم نومـه ماكدرتهـا كوابـيـس
ترى مااحد له فـي رقبتـي طلابـه = بس الصراحه من شـم الفواعيـس
والرجـل اذا مايعتبـر فـي شبابـه =يعيب قبل يشيب ويشيـب ويخيـس
يا راجي ارجى الي ماينصـك بابـه = لا ترجي الوهبات من هيس ابن هيس
استغـفـر الله واتتـقـى عـذابـه = اللي فرقني عـن حيـاه المتاعيـس
من قبل لا ارعف الهدى واعنـا بـه = انا وهمي والحـزن face toface
والحيـن لله .. الفضـل والإنـابـه = متعافي .. ويمشي على زندي التيس
هادي .. يشوشنـي طزيـز الذبابـه = لا عـدت لايـام الغبيَـه ولا أقيـس
شريت عقلـي فـي سـؤال وإجابـه = انا أعبد الله .. ولا أعبد الوساويس ؟
لـذة خفوقـي وانجلابـه ضبـابـه = سجـدات ليـلِ ظالمينـه مناعيـس
فاجـواء مكـه والحـرم والرحابـه = لا يابعـد رومـا ولنـدن وباريـس
هذي ديـار المصطفـى والصحابـه = وهذيك دار ابليس وعويـل ابليـس

.
.
نسأل الله أن يثبته ..
أتمنى أن تحوز على إعجــــــــــابكم ..

تسلم اناملك سارهـ
سعد علوووشـ شاعر من اجزل الشعراء

الاخت الفاضلة / سـاره
بارك الله فيك وبنقلك وقصيده من جد ممتازة
جعلهاالله في موازينك
وننتظر جديدك ومفيدك
فلا تبخلي علينا

حفظك الرحمن ورزقك عالي الجنان واسال الله ان يسترك بالدنيا والاخرة

الاخت الفاضلة / سـاره
بارك الله فيك وبنقلك وقصيده من جد ممتازة
جعلهاالله في موازينك
وننتظر جديدك ومفيدك
فلا تبخلي علينا

حفظك الرحمن ورزقك عالي الجنان واسال الله ان يسترك بالدنيا والاخرة

جزاكم الله خيراً أخي الفاضل على هذه الدعوات المباركة ..


ولكم مني جزيل الشكــــــــر .

انا وهمي والحـزن face toface


عفواً فاتني أن أجعل مسافة بين الــــto و الــface لتظهر هكذا face to face


و لمزيد من التوضيح يقصد الشاعر أنا و الهم و الحزن و جهاً لوجـــــــه سابقاً.

سارة


الف الف شكر لك على نقل القصيدة

الشعراء يقولون مالا يفعلون
ان شاء الله انه صادق

نقل موفق ياسارة

تحياتي لك