قصيدة للشاعر حسن عبيد السرحاني
ذكريات النشيفه
شايلن لي حمول ثقال ماهي خفيفـــه=لي زمانين واكثر بين مخطئ وصائب
يا وليفٍ تغير موقفه مع وليفــــــــــه=بعد ماكان رهن اشارته بالنوايــــــــب
يحسب ان المواقف معه دايم طريفــه=نوب الانسان له موقف يخليه شايــــب
مابقى عندي الا ذكريات النشيفـــــــه=جعلها يابو بندر في غزير السحايــــــب
راسخه فالخيال الذكريات العفيفــــــه=في سفوح الجبال وفي مقيل الحبايــــــب
يوم كانت قلوب الناس بيضا نظيفــــه=كل أبوهم بني عم وخوال وقرايــــــــــــب
قبل لا يمسح الكاتب حروف الصحيفه=والحسد ما طلع فالارض وابليس غايــــب
رد مع اقتباس
المفضلات