عبدالله ياعونك حنا فدا عيونك

بسم الله الرحمن الرحيم
السلام عليكم ورحمة الله وبركاته
.
.
يا دولتن قامت بوسط الجزيره ...... يرفع علمها يوم تنكيس الاعلام
.
.
يا زين تبوك هالايام تقل عروس تحفل لزفافها كل شي فيها هالايام هذه
منور وزاهي وباهي وغاديتن أكه
منين ما جيت تشوف الورد أشكال والوان ما ودك غير معك دلتك
وبراديك وباسط بحدى هالميادين وتهول بالرايح والجاي وحولينك اعييلك
الصغيرين متفرقين على هالورد تقل غنم متفرقه لها بروض
وكلن ينتف من عنده وأنت وامهم متقابلين ومغير تهنفون أنت جالس
أطقطق بجوالك وهي عينها لعييلها مبسوطه بشقاوتهم وكل ما نقز
واحد وهي قالت : يازيلان السعد يا هالزيلان يا وليدي لا تخلون بنفسكم
شي الا تسوونه ولا جينا ودنا أنروح وأنا امكم أملوا شلانكم من هالورد لخياتكم اللي بالبيت
أروهن غير يحترن والحروه شينه ما ودي تحرقون بهن
(( صوره مع التحيه للبلديه يا ريت تحطون حارس مرابط عند هالعايله
والا الله يخلف عليكم بتعبكم اللي تعبتوه وبوردكم اللي زرعتوه ))
المهم وش علينا من هالعايله اللي ما ودك غير تمسك أبوهم مع
شوشته وبخيزرانه الى ما يجمد على وجه الارض ما دام انه ماخذ الدنيا
هجانه ولاهو قادر يسيطر على عقبه يطبق عليهم نظام ابو هيثم
اللي كل ماسمعنا عن ملاهي او حديقه وحنا طرنا بحلقه
يابي يابي ودنا الحديقه ودنا المراجيح والزحليقات
وعقب وهو قال بنفس ريضه وطولة بال: بس كذا أبشروا ..... ابشروا
يااللا ثم قشنا بحوض الددسن ما تليق علينا غير انشودة (أطفال
نحلم بالدنيا يرعانا الله ويحفظنا ))>> صورة ددسن يمشي الهوينا
مليان حوضها من البزوره شي لنا وشي لجيرانا وشي من الحاره اللي جنبنا والكل جالس ومتجود غير انا واقف ومشرف على التنده و شايفن حالي عليهم مايقطع راسي
الاسد السياره سيارتنا والسواق ابو هيثم وكل ما لمحت غرمول من بعيد
قلت أبشروا بالمراجيح ولا قربنا منها ولنه أما هضبه ولا طلحه
ولا درينا غير يوم وقف ابو هيثم وقال : هااااذا مراجيحنا وياشر
على حبل معلق بطلحه وهااااذي زحليقاتنا وياشر على صفاه
ملسا مايله
وقال هااااااذي ملاهي الوادي الاخضر ياللا أنبذوا والعبوا الى ما تلحقوا
ما بهواكم اللي وده يتعربش البطين هذاك هو واللي وده يحفر ويدفن بهالدحله
عنده سليلة الوادي وانا ودي أخذ لي غطه بظل هالرضمه ولا تلفتوا ونويتوا المرواح
أنهموا علي
(( صوره مع التحيه للوالد كان معيشنا جو رهيب ومحسسنا بالطفوله
على مزاجه >>>> لكن علي وما علي متى ما صار عندي راعية بيت
وعيال أنهم غير يوصلون مراجيح وزحاليق ابو هيثم بالوادي الاخضر
وعسى واحد منهم يقعد يتغيوا ويميل رقبته وده اوديه فن بارك
ولا الحكير ))المهم وش لنا بطولة الهرج والسجه حتى الجده متفاعله مع الاستعدادات
القايمه هالايام على قدم وساق لأستقبال والد الجميع
والغالي على قلوبنا ملك القلوب والأنسانيه
أبو متعب حفظه الله وأدام عزه
يوم جيت ولنه تقول يا وليدي حتى انا ودي أشارك مع أحتفالات بلي
شيه أسألهم أن كان ناقص عليهم أي شي من تراث أجدادهم
قلت لها : مثل وش ؟؟
قالت : مثل الاشده مثل الساحات مثل خرج الابل مثل الرايات
ترى يا وليدي حنا بلي وتراثنا مهو بسيط ولا هو توه جديد
ودنا كل ما تعرفونه ونشتهر به يا بلي تطلعونه بأحسن صوره
يا وليدي والله ما ودي يصير أحد أحسن من قبيلة بلي ترى الضيف
مهو مثل أي ضيف وتراه يا وليدي غالي علينا بالحيل بالحيل
قلت ياجده من هالناحيه لا تخافين بلي قدها وقدود
قالت : يا وليدي يا اوسكار أنا عارفه أنكم ما أنتم مقصرين والقايمين على الحفل
بهم الخير والبركه بس زود حرص
ومشيت من عندها ودي مكان الحفل وهي تلاعب وتنقز خي الصغير بين يديها
وتغني له :

عبدالله يا عونك ... حنا فدا عيونك
حبك سطى بالقلب ... بلي يحبونك
امر علينا و سم ... اللي تقوله تم
تبقى لنا و تسلم ... و ربنا يصونك

وسلامتكم
أخوكم أوسكار الهرفي

السلام عليك اوسكار الهرفي
تقبل تحياتي من ولاية تاكسس والله انك ونستني
الله يشرح صدرك وييسر امرك
وحي الله ابو متعب
الله يعز الاسلام والمسلمين

اوسكار
فين الغيبة يا راجل
بأولك ايه ( اوعا اتئرب انت او خيينك عند الميادين بتاعت الورد )
استنى كم يوم وحتشوف العجايب وانا متأكد ياكم واحد من بتوع المنتدى حتلائيه هو وبزورته ويمكن سيارة داخل الميادين ومعلق زبيحته مع كراعها بواحده من شجرات البلديه
اوسكار بتاع المناسبات مبدع كعادتك

هههههههههههههههههههههههه
هههههههههههههههه


تسلم يامبدع على الاسلوب الجميل والطرح الرائع

صدقت يزرعو الورد وما احد يشوفه
من العيال الله يهديهم بس

وتسلم جدتك على الابيات الجميله


ويعطيك العافيه

اوسكككككككككككككككككككككككككار
سجل اعجابي بمواضيعك

.
.
يا زين تبوك هالايام تقل عروس تحفل لزفافها كل شي فيها هالايام هذه
منور وزاهي وباهي وغاديتن أكه
منين ما جيت تشوف الورد أشكال والوان

عروس مين

و ورد مين الله يجزاك خير

اللي صاير بتبوك مثل المكياج على وجه العجوز ... أطلع عن الشوارع الرئيسية و ستجد أنواع المطبات و الحفر ..

أو إذهب الى الأحياء الجنوبية مثل المنتزه و حي الشيخ و رحيب و الرويعيات و أبو سبعة و الأندلس و ركز على الأندلس لأنها مخطط رئيس المجلس البلدي ..

اذهب الى هذه الأحياء و شاهد المآسي ..

يا ليت ولي أمرنا الملك عبدالله يذهب الى هذه الأحياء ليشاهد الواقع الحقيقي بنفسه

تعبنا من البهرجة