رائعة مهذل الصقور

قال ابن مهذل خاطره فيه هوجـاس

ما جاه علم ٍ مـن وطنـّا يشوقـه

مابه جموع ٍ توها يِضرَب الطـاس

ولا غلام ٍ بيـرق العـز فوقـه

بعض الرخوم يزوم نفسه على الناس

والناس والله مادروا ويـن سوقـه

ما كنه الاّ شايل ٍ رمـح جسـاس

ولاّ عمامة سالـم الزيـر فوقـه

اذا توطّـاه العـدو قـال لابــاس

وعلى بني عمـه تحنـب عروقـه

قليل الأصل لرايـة العـز نكـاس

والعبد لـي خـاواه عمـه يبوقـه

اللي دخيلن في العرب قال أا الساس

في حكم اخو نوره خيولـه سبوقـه

ما يدري انا في الرجاجيل بخـاس

ومن جا يبى يرقـى علينـا نعوقـه

معقبيـن بالنقـا كــل بــلاس

قدهي مخلاة ٍ مـن اول طروقـه

نحوس وضع عدونا ليـن ينحـاس

ونطبـق السبـع السمـاوات فوقـه

اذا فعلنـا فعلنـا يرفـع الــراس

واذا هرجنا هرجنـا مـن عذوقـه

نطول واريـاق المناعيـر يبـاس

يوم ان ولد الـلاش توخـذ حقوقـه

تاريخنـا للنـاس منبـر ونبـراس

والبيـرق الخفـاق معنـا نسوقـه

بر قه سلبنا لي ركبنـا بالأفـراس

مثل السحاب اللـي تلامـع بروقـه

والختم صلوا عد ماهـب نسنـاس

على النبي راعي النوايا الصدوقـه

مهذل الصقور

إبن عرمان ..

أطربتنا أيها الجزل بهذهـ المعاني الرائعه ..

لك الشكر ..

سلمان العرادي

تسلم يمينك يالغالي تحياتي لك

اشكركم على المرور والتعليق واخص بالشكر سلمان العرادي وابراهيم المطرفي اسأل الله لكم التوفيق ولكم مني جزيل الشكر

ابن عرمان
جزل ل ماتقدم
تسلم يمينك

يطول عمرك يا عبدالله مشكور على مرورك والتعليق