سليمان بن صالح بن وقيان الوابصي (بعد التعديل)

سليمان بن صالح بن وقيان الوابصي
حيث لديه مزرعة وعانا منها الاتعاب ودفع اغلب دخله بها دون فايده

لواني دريت ان الزراعة غرابيل = مالي بها لو يمنحـــــوها بلا شــــي
لو بالزراعة خير ماجــــو هالنيل = اللي على وجه الثرى مـــــاه ماشي
ياويش ناس تلحق الماء بعد ميل = في منطقة صبخا حمــــاد قراشـــي
العصر تدفنــــها الهبايب وبالليل = لوانك سقيت الزرع يصبح عطاشي
ياما كلينا من عـــــذاب وبها ذيل = وياما خسرنا من نقــــــود وشواشي
شي يهد المال والحـــــال والحيل = لاشك يسترها منشـــــــــي النواشي
بعنا البيوت وثم بعـــــنا المعاميل = وياليت ماتلحق لبيــــــع الفراشــــي
مادري نسد البنك ولا العمامـــيل = رحنا طعام جحــــوش مابدها شـــي
حنا مهابـــــــيل وجبنا مهابـــــيل = ومعاشهم غير ادفعـــه من معاشـــي
تشوف خضره مارمامن محاصيل = ونوبات ياكلها جـــــراد وفراشـــــي
والبنك مايقبل عــــــذور ومحاييل = يقول لازم تدفع القســــــط كاشـــــي
ومنين ادبر قسطـــــكم يارجاجيل = والفايده ماغيــــــــر جفره وحاشـــي
مير امهلوني لو ثلاثــــــة مهاليل = يجي الفـــــــــرج من واحد مايخاشي

صقر العلا
سلمت يمينك
وصح لسانك ولسان قائلها
والله لايهينك ابدعت في نقل هذه القصيده المعرفه
واسمحلي بنقلها الى المكان المخصص لها

ولك مني كل تقدير


عبدالله

عبدالله الوحيشي
شكراا لمرورك العطر لاعدمناك

صقر العلا
قصيدة جزلة تستحق النقل

لكن الاخطاء الاملائية تفسد الروعة
اتمنى من القائمين على هذا القسم الانتباه لمثل هذه الاخطاء
وشكرا