حب عبدالله / قصيده لشاعر تبوك:سلمان الشنوطي البلوي والتي القاها بحفل قبائل بلي بتبوك

هذه
قصيده للشاعر الكبير
و شاعر تبوك .. كما أسماه امير منطقة تبوك الأمير فهد بن سلطان
*الشاعر : سلمان الشنوطي البلوي ..
والتي القاها
بحفل قبيله بلي بتبوك ..

_____________________________

قم ياظنيني وسو الكيف بالدله = البن زود الغلا والحب تبهيره
وسقها على اللي نحبه حب ونجله = يامشرّف الدار وأهل الدار والديره
من صلب عود(ن) حوى كل الفخر كله = تعجز قواف الشعر عن وصف تعبيره
عبد العزيز أعتزى بالعزم والمله = يومن سود الليالي خيلها مغيره
هواه داره ولو تلهب كما المله = يومن غيره هواه لنوف ومنيره
وتوافق العزم ويا السعد في حله = بأخلاص نيه وزين الفال تبشيره
واليوم في حكم من صدقٍ .. شبيهٍ إله = بالصوت والمشيه وعزمه وتفكيره
عبد الله اللي سما بأسمه عن الزله = يستاهل العود الازرق .. وتبخيره
ياما حلا السيف في يمناه لا سله = كانك سعودي تهوش وتاخذك غيره
وكم من يتيمٍ ترقرق دمعه وهله = من عطفك أحييت ذكرى ابوه بضميره
وكم عاجزٍ منهلك وأعضاه منشله = عقب العناء والشقاء تضحك أساريره
حتى الأرامل بجوف الليل يدعن له= بالخير مع كل تهليله وتكبيره
وسلطان مزنٍ تزامن خيره وهله= والقل والكثر ماحسب مخاسيره
يرحم ويرحم ودوم حجاجه يفله = وكيد المعادي ولو كثرت طوابيره
حنا سعوديين .. وأهل الدين والمله =والليا طمعنا طلبنا الخير والخيره
وأن كان بالقاف تقصير أو زله = منك السموحه وكلن عقله أميره
كذا بلا اسباب حنا نحب عبد الله = الحب فطري ولا يحتاج تبريره

* الشاعر الكبير : سلمان ابراهيم الشنوطي البلوي
شاعر تبوكــ
____________________________________