سلام ياجمعت بلي يأهل الجاه

هذه القصيدة اللتي القيت بمناسبة حفل قبيلة بلي في منطقة تبوك من قبل الشاعر/ ناصر بن عواد الصريبطي البلوي

سلام يا جمعت بلي يأهـل الجـاه=سلام يأهل الجود وأهـل الفعايـل
سلام من قاصي ضميري محيـاه=سلام تنطق بـه بيـوت الجزايـل
أعداد ماساق الخيال ونثـر مـاه=من نو صادق صادقات المخايـل
تمشي بأمر ربي وتسقـي رعيـاه=غرالمزون المرعـدات الهمايـل
هذا سلامـا ًبـأول القـاف قلنـاه=بعدالسلام يزيـن بـدع المثايـل
بمدح هل الطالات يـوم المعـاداه=يوم الخيول يـوم شـن الاصايـل
ربعي أهل الفزعات يـوم الملقـاه=لجاء نهـاراً فيـه قـدح الفتايـل
عدوهـم دايـم كثيـره ضحايـاه=لرفة البيضاء علـى كـل طايـل
لهم على وقت الصحابـه منـاداه=عبر التاربخ وكـل شـي بدلايـل
والضيف لجاهم هلا زيـن ملفـاه=ذ باحتـاً للحيـل ماهـي هزايـل
ودخيلهم ما يضام لو صالت أعداه=هذي أسلوم أهل الوفاءوالجمايـل
وابن أرفاده شيخهم تعرف أخطـاه=شيخاً على كل الطويـلات نايـل
يامـا تناقـل فعلهـم بالـروايـاه=وياما حكوبه في جميـع القبايـل
ماينجحد فعل السبـاع المضـراه=والشمس ماتجحد سناهـا القوايـل
واليوم في ظل أبو متعـب فدينـاه=زبن الضعيف ولاطماًكـل عايـل
صقر العروبه حاكماً الشعب وحماه=لسلـم سلـم والحرابـه هوايـل
يمنـاه سلطـان الوفـاء لعدمنـاه=بمـان خلوهـا تكـد الجـدايـل
في حكمهم سرحان يسرح مع الشاه=تنعم بأمن وأمان شـرق وشمايـل
يمشي ولو شاف العشاء ماتعشـاه=من خوف حكم ألامعـات البتايـل
بالشرع ما تظلم ولاالضلم ترضاه=الله خلقهـم للحـمـول الثقـايـل
يالله يلـي كـل خلقـه تـرجـاه=تعينهـم وتـرد كيـد الظـلايـل
تحفظ بلدنا يالولـي مـن طغايـاه=سود الوجيه المضامـات الغلايـل
ممسوح عقله والنتيجهة شلايـا ه=ملغمـاً وموجـهـاً بالرسـايـل
ياكم يتيمًا جـرح الدمـع وجنـاه=من زمرت الارهاب شين العمايل
وياكم عجوزاً نطقها بـس ويـلاه=تشكي على اللي مال غيره نسايـل
يالله ياللي مابـه اسـرار تخفـاه=تقضي عليهـم جعلهـم للزوايـل
وصلوا على اللي بالهدايـة تلينـاه=على رسـول الله واف الخصايـل