من قصائد الشيخ سليمان بن مثري الوابصي رحمه الله

الظيف يوم إنه ينادي ورى الباب = مانرسل النسوان له يصدفنّه
ياحمود وافق ظيفنا طاب ماطاب = ياحمود هاته والحق الظيف قنّــه
اشتر خروف إن شفت بالسوق جلّاب = وهاتوا لي الخوصه وهات المسّنّه
وادع الرفاقه للغدى وادع الأجناب = قدّم لهم قبل الغدى تمر شنّه
مع دلة يطرب لها كل شرّاب = مهيّله مافيه ونّه ولنّه
ترى الليالي والنهارات بحساب = ياما بنن قصر وياما اخربنّه
والشب مايرجى على واحد شاب = يومن عجبات الصبا فارقنّه
يصبح غريب ولا يدانوه الأحباب = ياحمود يوم ايديه ماينفعنّه
اللي مظاله بأول الوقت ما ثاب = الى انّه اصبح يزعج الصوت ونّه

محمد السافري

سلمت يمينك على هذا الطرح . وصح لسانك
ولسان شاعرنا الشيخ سليمان بن مثري الوابصي رحمه الله

,
نطالبك المزيد .. ولك خالص الشكر

صح اللسان الشاعر سلمان مثري رحمة الله عليه
ونطالب مزيد من قصائده رحمة الله عليه ...

محمد السافري

مشكوووور يا الغالي ....

محمد الجذلي

لاهنت اخوي على تواصلكـ

وفالك طيب ،

العفو اخوي ابو أسامه

وابشر بعزك ،

محمد السافري
نقل اكثر من رائع وجميل لشاعر من حكماء شعراء بلي
رحمه الله واسكنه فسيح جناته
اخي محمد
لاادري هل هذا البيت صح ام لا
والشب مايرجى على واحـد شـاب=يومـن عجبـات الصبـا فارقـنّـه
ولك كل تقديري واحترامي