ســــــــــــــــــايــر ***

بسم الله الرحمن الرحيم
.
السلام عليكم ورحمة الله وبركاته
.
..
قصيده من جديد الشاعر/ عبدالله محمود المعيقلي
.
بعنوان
..
.
(ســــــــايــــــــر)
.

سلام الله عدد ماطار طاير = وماسجّ القدم للسير ساير
سلام أحلى من الشهد المصفـّى= سلامٍ مايليق إلا لـ"ساير"
وهو ساير ولد ناصر ومثله = مهو محتاج تعريف وأشاير
أبوسلطان أنعم به وأكرم = وليدة خير من خير العشاير
عريب الجد من ساسه لراسه = عزيز النفس مامون السراير
نشا في بيت نور الله يحفـّه = ومن ينشأ بنور الله ناير
وهو لي مثل أخوي ويمكن أقرب = مع التركيز في جبر العثاير
زبنته مرّه ومرّه ومرّه = وأجيه إن ذقت فالدنيا عزاير
وكل ماجيته بحاجه لقيته = يبدّل همّي وغمّي بشاير
ألآ لله من وقفه وقفها = ولمّ جروح في صدري نثاير
وألآ لله من ميله عدلها = وهي مالت معي والوقت جاير
وألآ لله درّه من سنافي = كريمٍ مايحسّب للخساير
له بروحي مكان وله مكانه = وأكنـّه بالضلوع وبالضماير
له البيضاء , على عزّ ومعزّه = إلين يحَطـّ جسمي بالحفاير
وإذا بالناس شيّ من المعادن = أنا أشوفه ذهب من دون أعاير
وله وزن الذهب ويفوق وزنه = ولاتلقى الذهب فالسوق باير
وأنا ماأوفيه حقه بالقصيده = ولو ماجبتها مالي عذاير
مدحت الطيبين وساير أطيب = سدل طيبه على غيره ستاير
لأني يوم أبين له طعوني = نصير آنا وهو فيهن خشاير
سليل أحرار مايترك خويه = ليا دارت على الحر الدواير
فداه اللاش والهلباش واللي = عن المحتاج لكتوفه يداير
ويفداه الذي مابه رجوله = ماغير إنه فحل لأم الظفاير
وعسى يفدونه الأصحاب لأني = يكفيني عن الأصحاب "ساير"

..
الشاعر/ عبدالله محمود البلوي
.
مع تحياتي .. رضا الجحرش

رضا محمود الجحرش


سلمت يمناك على النقل الرائع ..

وصح لسان الشاعر وسلم بنانه ..

وهذا من طبع الرجال الأوفياء لن ينسون أفعال الآخرين ..


فلك كل الشكر .. ودمت بخير وعافيه

الله يعطيك العافيه

رضـا الحجرشي

سلـمت على نقـل هذة القصيدة الجـزلـة
وصـح لسان الشاعـر/ عبدالله محمود البلوي

للجميع اطيب الامنيات و اسعدها

رضا الجحرش

سلمت يمناك


وصح السان الشاعر / عبدالله محمود البلوي


ننتظر المزيد



فائق التحية

الاخ رضا

تسلم يمينك على هذا النقل الرائع




وصح لسان الشاعر المبدع عبدالله محمود


مع تمنايتي للجميع بالتوفيق


تقبل ودي وتقديري