بنت بدوي

عزي لقلبٍ تعلق في هوى بنت بدوي = مافرحت ان قيل حي ولاكرهت ان قيل مات
طال ليلي والعذاب اللي مطاولني قوي=غربلتني بنت ابوها واودعت حالي شتات
اسقتاً من فيض حبه ثم زوت حالي زوي=واغرقتني في بحرها ولامعي قارب نجات
كل عرق وسط جوفي من غرامه ماروي=واردٍ ليلة ربع وأنكفاً وهن مضميات
ياصغير السن دوبك ليه تشويني شوي=وانت تدري في غلاتك ليش تحرمني المبات
ليه ياريم البوادي تلوي ذراعي لوي= الهوى اخذ وعطا دوك في يدك وهات
ريحيني من عذاب طاويٍ حالي طوي =بجاه ربك جاوبيني يذبحاً كثر السكات
كان قصدك ماتبيني قولي روح يابلوي=وابشري برجلٍ بعمره مانثنى لأحل البنات
للمراجل والله اني من صغر سن غذوي =رافع الراس متنومس ولاتبعت المقفيات
طبع سرحان الذيابه كل ماجاع يعوي=مارضي ياكل طفاس ولايتعشى من فتات
والعليل ان طال داءه كود يكوونه كوي=يارجع وضعه طبيعي أويأس من هالحياة
الإشاره من نبيه فعلها يدوي دوي= خير من كثر الحديث ذكر موجز للصفات
والحقيقة ياجودية فعله يدوي دوي=خير من كثر الحديث ذكر موجز لصفات
هذا انا وهذاك غيري وعلى كيفك اهتوي=واجد بتلقين غيري ووجدات المترفات
بس ماكل الرجال بالمراجل تستوي= ناظري لأصباع كفك واحذري قبل الفوات
قبل لارحل نفسي أسأل ليه طبعك فوضوي = من لعب بالنار تلقى كفوف يده محرقات
وأقبلي وداع مخلص حب لكن ماهوي= شاف ماعافه وقفى والعوض بالمقبلات

طبـع سرحـان الذيابـه كــل مـاجـاع يـعـوي

مارضـي ياكـل طفـاس ولايتعشـى مـن فـتـات

كاتب الخولي صح لسانك

وننتظر منك الكثير

تحياتي لك

هلا وغلا أخوي عبدالله رفاده... صح بدنك...


شرفني وأعزني ردك ومرورك الطيب



كل الشكر لك أستاذي العزيز



تحيتي لك

كاتب الخولي

صح لسانك

على هذه القصيدة الرائعه وسعداء بقدوم نجم مثلك

تحياتي لك

كاتب الخولي ..

أطربتنا أيها العــــــــــذب بهذهـ المعاني ..

أطيب المُــنــى ،،

سلمان العرادي

..
الأخ كاتب
.
سعداء بإنضمامك إلى قائمة شعرائنا
.
قصيدهـ رائعه .. تقبل مروري
.
رضا المعيقلي
.