ذكرى الحزن
ما بقا شيء أخاف اليوم فقدانه = سود الأيام ..ماخلّت .. ولا حاجه
كل معنى جميل..اليأس عنوانه = مابقالي أمل ..وأعيشك .. افراجه
كل الأحلام ..بالحرمان غرقانه = مابقا شيء مغريني.. و..محتاجه
كانت الروح ..قبل أعوام ولهانه = قبل يكبر شقاي..ويكثر .. ازعاجه
رحمة اليأس نعمة .. والصبر دانه = ماشكيت البحر ..وملاطم أمواجه
شلت حزني بروحي ..خله..وشانه = وش تبي دام حظي ..طافي أسراجه
من جميع النواحي ..عاش حرمانه = قلبي ،اللي.. تعيس الحظ .. كرباجه
من عذاب الليالي ..رويت أغصانه = وارتوى من شقاه .. وهرج هراجه
حطمته الليالي..والزمن خانه = من حوادث زمانه .. عز .. مخراجه
اعترف لك حزين ..وعز..نسيانه = عن زخارف زمانه..صك .. مزلاجه
والطعون القديمة..بصمةافلانه = والقديم أبجديد الجرح يتواجه
من ظروفه ، يعاف ..وعاف خلانه = ماوجد..في جميع العالم أعلاجه
وأنت، ماأنت العوض..عن قسوة أزمانه = هقوته فيك خابت..ماأنت هداجه
والقصائد عزاه.. وفيض وجدانه = هي زهابه ..مادام الحزن منهاجه
وش بقا.. مابقا ..مااخاف فقدانه = قلت: والشاهد الله..مابقا.حاجه
حماد بن عبدالله أبو شامه
رد مع اقتباس
المفضلات