رد(حبل الوفا)لإبراهيم التلفيه

السلام عليكم وكل عام وأنتم إلى الله اقرب ومبروك عليكم الشهر



هاهو إبراهيم التلفيه يطوقني بجميل قوله وجزالة شعره وأنا والله اقل من ذلك بكثير واشكره من اعماق قلبي وقد حاولت أن أكتب شعراً وهذة هي محاولتي

حي القصيد وحي من هو بدا فيه= الصاحب اللي حاسبه من خِواني
الصاحب اللي ضحكته تسبق أيديه= اليا نصوه أهل الطلب والعواني
االصاحب اللي خصني في معانيه= وانا بعيد يرد لي ما نساني
العام وصيته وذلحين اوّصّيه= ما كل من يضحك لنا به تفاني
الناس يا أبراهيم غفلا مداليه= كلاً على همّه يحط ويداني
والصاحب اللي صحبته بّس ترفيه= يا سرع ما تبرم عليها السواني
اقول صحبان الرخا وأنت قل ايه= هّم ابتلاك الوقت به وابتلاني
والصاحب اللي ما التفت لا تخاويه= خله يمد ومدة مقيط ثاني
والصاحب اللي يبلشك في طواريه= خله على اليسري ودربك يماني
ويا تلفيه الوقت توجع مواطيه= واللي وطاك اليوم قبلك وطاني
لا تدراي اللي صاحبه ما يداريه=بعض المدارا عيب للمودماني
واللي يعرف العرق يعرف مكاويه= واللي كاوك من الاصاحب كواني
واحرص تكّثر بالزمن قولتك ليه= ياكثر ما رددتها في لساني
وسّلم على ياسر وربي يعافيه= من صحبة اللي يلحسون الصياني

بارك الله فيكم جميعاً .. مثل هذا يكون الشعر و البوح ...

عمالقه بالفعل ..

الاخ..عبدلله مناحي
يعطيك العافيه على هذا الرد الجميل...
بالتوفيق...

كما هي عادتكم أخي الشاعر / عبدالله منقرة ..إبداع و تألق


شــــــــــاعرٌ يستحضر الشعر في كل مناسبــــــــــة ..


و لـِـ شاعر آخر يستحق هذه الأبيات الجزلــــــــة ..



تقديري لكم جميعاً .

للمنتدى وربعي سلام و تحيه
من سلام الله في كــــــــل الاوقات
هذا الكلام الجزل مابه زريه
مشكور ياشاعر بناء جزل الابيات

يعطيكم العافيه هذا الشعر اللي يهز المشاعر بالتوفيق والسداد للجميع

أبو علي ،،

صح لسانك وعلى شأنك .. لاهنت يابعدي على هالبوح

أطيب المُــنــى ،،

سلمان العرادي