قصيدة دار حولها جدال ونقاش ....فأحببت أن انقلها لكم لارى ارائكم بها..

اي لنجعلها قصيدة لنقاش ...




/
/



القصيدة لشاعر : عبدالعزيز اليامي
..


قول الشاعر:


مع كل الاسف بدت ظــــــــــااهــرة
أن تحط الكاتبه او الشـــاعره او البنت في توقيعها
أوفي قصيدتها انها عن الف او الفين رجال ....
والمرجــله كايده وصعبه ومهما وصلت له البنت
لن تصل لان تقوم مقااام رجل واحد ... واليكم التوضيــح

*** صلوعلى النبــــي ***


القصيدة:


اللي تقول إنها عن ألفيـن رجـال
....................إما علـى التوقيـع وألا ألقصيـده
البنت هذي مالها عنـدي إجـلال
....................لوهي لابوزيـد الهلالـي حفيـده
وحتى لوانها بنت ذربين الأفعـال
....................اللي مكاسـب كـل رجـال بيـده
ماأسومها في وسط عيني بمثقـال
....................وما أسوق فيها من حلالي (جريده)
ولا احترمها فآي مخرج ومدخـال
..................وأبقى لها سيد - وهي مستسيـده
لان المراجل كايده (يـام خلخـال)
.................نحفي لها الساعي ونجهـد بريـده
ونتعب عليها ..ونتعنا ..ونحتـال
..................ونفوسنـا منهـا وفيهـا زهيـده
ياما طوينا لجلهـا أميـال وأميـال
..................وياكم بكينـا مـن سببهـا فقيـده
نسري لهالاصك جال(ن)على جال
..................ونارد عليهـا لـو لهبهـا وقيـده
وألا ارتكينا نرتكي كن حن جمـال
.................وإذا خذينـا مانبـى الا الفريـده
ماهي تجي بالهرج وإلا بـلأمـال
.................تبغي لها عـزم وثبـات وعقيـده
يقصرعليها اللاش ويموت ماطـال
.................لوهو دفع مايملكـه فـي رصيـده
لانها عليه أبعد من الجدي والـلال
.................وابعد عليش من النجـوم البعيـده
يا اللي عويدك يتبع الظـل لامـال
.................ويميل لاهب الهوى حـول جيـده
هذي الحقيقه والنوايـا بالاعمـال
.................وكل(ن) على ماقيل نفسه شهيـده



/


وحتى أكون منصفه:


رأي ورد الشاعر على أحد الردود:


والمراه تصل الى القلوب والعقول والارواااح



ولكن انا ضد التشبيه او التعاالي من قبلها على الرجل



ليس من اي فكر او باب



ولكن لان الرجاال قوامون على النســـاء


وللذكر مثل حظ الانثيين


صدق الله العظيم


رأي معارض:


والله يا عبدالعزيز مع جمال حرفك لكن لم تكن منصفا أبدا ..

لأن مع احترامي للرجل هناك رجال ليس لهم نصيب من عالم الرجوله الا مجرد انتسابهم للجنس الذكري

وهناك بنات رجال وخوات رجال يسووووون الشي الكثير

وأستغرب ياعبدالعزيز أن تقول أن اللتي تعتز بنفسها ماراح تسوق لها لو من حلالك جريده ( أجل وش اللي ينساق له الروح قبل المال هل هي بنت اللاش أو اللتي لا تعتز بنفسها وبربعها )

قصيدتك مع احترامي ياعبدالعزيز

لم تكن إلا خالف تعرف

طبعا المقصود النص

ولا أنت ياعبدالعزيز ماعليك كلام


تحيتي

وكان مجرد رأي



رد الشاعر عليه:


انا مانيب في حاجه للمخاالفه حتى اعرف



والعارف لايعرف


واللي ودي اقوله



رايك احترمه


ولكن مهما وصلت له حواء


فهي ضلع من اضلع الرجل


ولكن انا ضضد الغرور في غير مكااانه


تحيااتي لك




(نقلي لردود الشاعر توضيح لوجهة نظره من النص..ولانه ليس هنا ليرد على أرائكم )
.


ولكن هل فعلا يوجد من البنات من تقوم مقام الرجل؟؟؟
وهل كل من كتبت بتوقيعها او اين ما يكن مثل هذه الأبيات هي بحجم هذه المرجله..؟؟

انتظركم..