عبدالعزيز الصعب

نصـ, لشــا ع ــرنـا
ع ـبدالله بن محمود الجحرش
بع ــنوان ((عبدالعزيز الصعب))

اترككمـ, مع النصـ,

الناس واجد فيهم أشكال وأجناس=ونسبة هل الطولات فيهم قليله
تكبر هموم الشهم وتضيق الأنفاس=لو هو مضرّا للحمول الثقيله
ويالضيق لو حطـّيتني بين (الأقواس)= ونيلتها سته وستين نيله
والله لو أضرب عندك أخماس بأسداس =والقلب مابين الجمر والمليله
لأصبر على همّي وأقفل بترباس=من خوف هرّاج الزرا والفشيله
وأشكي لمن يبري من الهم والباس=اللي جعل بالوقت عدله وميله
الراس ماهو ناقص ٍ طيحة الفاس= والفاس ماوالله يميني تشيله
يحلـّها ربي قبل تاصل الياس=وإن قالها الله ماهي بمستحيله
من بعدها صغت المشاعر والإحساس=وآنا عميل الحرف وآنا كفيله
أدلـلـه حتى يجي حرف ميّاس ="يَروى" و"يُروى" والمعاني جزيله
يلبس تحياتي وتقديري لباس=ويبوس راس اللي فعوله جليله
اللي فزع لي عقب ماذقت الأتعاس="عبدالعزيز الصعب" زيزوم جيله
من ساس ناس يلمّهم طيّب الساس=والدين يكسيهم وقار وفضيله
الطيب لأهل الطيب ميزه ومقياس=والصعب للصعبات , محدٍ مثيله
أنا أشهد إنك للرجاجيل نبراس=ذخر وفخر , يا ابن الرجال الأصيله
عليك مني كل ماهب نسناس=أزكى سلام بكل يوم ٍ وليله
يا أنفس أنواع الجواهر والألماس=يامصدر إشعاع الصفات النبيله
عُمر الذهب مايوزن بقيمة نحاس=غالي على مر العصور الطويله
لاهنت ثم لاهنت ياشامخ الراس=ولاهان "سيف" اللي وفا مع زميله
من عاش لبذور الكرامات غرّاس=تزهر بساتينه ويثمر نخيله
ومن ودّع "أم عياله" وسنـّع الناس=هذا على ماقيل "مافيه حيله"
يرجي تجاره رابحه مالها إفلاس=يالله عسى الفردوس دار الحليله
يوم إني مضيّع طريقي ومحتاس=أخذت بيديني وصرت الدليله
والله فلا يوفيك شعر ٍ بقرطاس =كريم وحروفي بحقك بخيله
يجزاك من لاتاخذه غمضة نعاس =اللي شرع دينه وبيّن سبيله
يسقيك من حوض النبي كاس مع كاس=تنهل من الكوثر ومن سلسبيله
قلته وأنا شاعر وللشعر هوجاس=يفخر بمدح مكمّلين الجميله
والناس واجد فيهم أشكال وأجناس=لكن صفات الصعب فيهم قليله

حيّــا الله ياسر


وصح الله لسانك ولسان عبد الله




سأعود


فقط أستجمع العبارات اللائقة بهذا الزخم الشعري



.

صفات أهل المعرووف اعطاها شاعرنا النبيل (بعدا ) أخر0و رقيا لا يجيده الا الاوفياء 0
النص بكامله من أجمل وأنبل ما قرأت نص(خالد ) ان شئتم استعيدوا معي عظمة هذا البيت
( يسقيك من حوض النبي كاس مع كاس تنهل من الكوثر ومن سلسبيله) 0 وهذا البيت
( من عاش لبذر الكرامات غراس تزهر بساتينه ويثمر نخيله ) فعلا لايذهب المعرووف بين الله والناس0 لله درك اخي ياسر سبق وقلت : انت ملح الارض لك مودتي0

صفات أهل المعرووف اعطاها شاعرنا النبيل (بعدا ) أخر0و رقيا لا يجيده الا الاوفياء 0
النص بكامله من أجمل وأنبل ما قرأت نص(خالد ) ان شئتم استعيدوا معي عظمة هذا البيت
( يسقيك من حوض النبي كاس مع كاس تنهل من الكوثر ومن سلسبيله) 0 وهذا البيت
( من عاش لبذر الكرامات غراس تزهر بساتينه ويثمر نخيله ) فعلا لايذهب المعرووف بين الله والناس0 لله درك اخي ياسر سبق وقلت : انت ملح الارض لك مودتي0

أصبت الشعر ياعبد العزيز


فعلا أبيات مميزة

.

,

يسقيك من حوض النبي كاس مع كاس
.................تنهل من الكوثر ومن سلسبيله

,

ابو حمدان ..


سلمت يمينك .. ويمين الكبير عبدالله
ووصل لة سلامي .. وبلغة كم احبة ..وكم اشتاق لمثل هذا الابداع
.
دمت بود