* الله يسامح عزتي وانفعالي
بــ متصفح ( مساحه للجنون )
قرأت ابيات جميله للأخت / عاصفة الشمال ..
فتذكرت هذه المتواضعه القديمه ... اليكم اياها وارجو منكم المعذره ان كانت دون المستوى المأمول .
صوتٍ سمعته يصرخ يقول ياهيه = صرخه تهز اقوى قلوب الرجالي
منها وقفت وحن قلبي لماضيه = الله يسامح عزتي وانفعالي
اللي رمت غالي من قليب مغليه = واغلت رخيص وذلت عيون غالي
صحيح ( من لا يعرف الصقر يشويه) = ومن لا حسب للأوله صار تالي
واللي رحل واقفى وغير طواريه = وعن داركم يا ..... شد الرحالي
اكيد به شي ازعله لو سالتيه = قبل الزمن يفرض عليك السؤالي
يهون دمع وترخص وجيه لوجيه = وترى الغريب اليا زعل مايبالي
واليوم ناديه أو .. لا ..لا .. لا تناديه = يقتل صدى صوتك شموخ الجبالي
ولاكل مخلوقٍ له السر تفشيه = نصيحتي لك يوم جاء لي مجالي
عيشي على الذكرى وهو بس يكفيه = إنك تمنيتيه باحلى الليالي
عايد السميري
رد مع اقتباس
..
المشاركة الأصلية كتبت بواسطة ناصر سليم العصباني
المفضلات