محاوره عايد السميري وعبدالعزيز القلادي حريقه
السلام عليكم ورحمة الله وبركاته
اخواني الاعزاء وعشاق المحاوره
محاوره قوية بين
الشاعر الكبير
عايد السميري
و
الشاعر عبدالعزيز القلادي
عايد السميري
ســلام الله ســلام الله عليـكـم والثـنـاء مــردود=ياهل شبه الجزيـره كيفكـم وش لـون الاحولـي
وصلناكم على حسب الطلب والحكم لبن سعود=وانـا طرقـي وادور للعلـوم اللـي عـلـى بـالـي
عبدالعزيز القلادي
هلا يامرحبا ترحيبت (ن) وافي بلا مجحود =عسى طيب مع ربعك وانا طيب مع حالي
وصلتونا على الدعوا كفاك الله شر احسود = تبا تلقا علوم(ن)ٌ طيبه اتعز رجالي
عايد السميري
ليا إنك طبت مع حالك تسد البيض دون السود=عسـى فيـك البقـاء ياصحابـي ياطيـب الفـالـي
وصلنـاكـم ولـكـن لا يـثـور المـلـح والـبــارود=تهـرج ياعميـلـي والـدلـي لا تصـفـق الجـالـي
عبدالعزيز القلادي
اليامن طاب راسي عز له ارجال ماهي اقرود = عسى كلن محله عامر(ن) للضيف مدهالي
وصلتوني وبسم الله عليكم قاري سورة هود = مدام ان المزون الغــر تبرق لي على الخااالي
عايد السميري
ونعم ابنـي عبـس ونعـم بـك ولا علينـا زود=وانـا قبـل احتـزم بالبندقـيـه عـارفـن خـالـي
تحكحك والعرب تعرف وجيّه اللي يفك الذود=وانا لولا الحياء والله لركي لك على الصالي
عبدالعزيز القلادي
انا ما لحقني شكه ونعم(ن) فيك يالموجود= ونعم (ن)في بلي واربط حزامك واحمد الوالي
الا ياللي هياجه بوسط الكنه بدون اقيود = عسى ربي يبارك لك وتطعم من حلا حاالي
عايد السميري
اليا منك خبطت الأرض حك العود راس العود=ولـكـن لا تـعــود سالفـتـنـا لال يـــا .. لالـــي
صحيح ان الجمل هايج بعد منـه لقـي مفـرود=وانـا صـادق بقـولـي والله إنــه مـايـورا لــي
عبدالعزيز القلادي
رمينا بالمقمع والمفتل وامهات ازنود = عسى ربي يعينك كان في خاطرك ولوالي
الا يا قدرت الله هايج (ن) فالكنه ومهدود =عجايب يالسميري واسترح في فيً واضلالي
_______________________________________
رد مع اقتباس
المفضلات