على ذكر الامير -للشاعر عوض طالب البلوي
هذه القصيده لأخي الشاعر عوض بن طالب الفاظلي البلوي
استلمتها منه لإ عجابي بها ووفاء لسمو سيدي الامير فهد بن سلطان بن عبد العزيز يحفظه الله
ومن حقي ان انزلها لكم نيابه عن اخي عوض سلمه الله
سموك للفخر
ابكتب واعسف افكاري واخلي للقصيده لوق=وبنقش سطوة المعنى لتبهج قلب قاريها
ابنظم من قصيدي شيء وازيده بالفخر والذوق=على ذكر الامير اللي يكمل لي معانيها
أحبه وافخر بحبه وكني بالغلا مريوق=وانا يشهد على قولي تعالى سبع بانيها
خلقنا من الثرى وانعم علينا بنعمة المنطوق= وشرفنا وكرمنا وامرنا بخمس نوفيها
اكرمنا بحكامٍ ساده والعهد موثوق=كسونا بالفخر والخير جمايل كيف نحصيها
من اقصى حدودنا بالغرب الى اقصى حدودنا بشروق=تكاتفنا وتآلفنا قبايل عز ناخيها
فخرنا وعزنا آل سعود نجوم وتعلت فوق=علو الفخر والرفعه ورب الكون معليها
سموك للفخر عنوان سموك للقصايد ذوق=فهد سلطان يا كافل قلوب غاب راعيها
سميك منهى الحكمه عمك من وفاء بحقوق=رد الصاع باضعافه عن جده موفيها
ملكنا االراحل المحبوب دعا له قلبنا بخفوق=عسى مسكانه الجنه دار يفوز واطيها
وحنا اليوم بايعنا عظيم وللنواظر موق=سواد عيوننا واغلى له الارواح نهديها
ابو متعب حبيب الشعب اذا صاب الليالي عوق=دامت طلعته تبهج لنا ايام ولياليها
الا ياخادم البيتين عن القاده ملكت فروق=لأنك قايد الامه وناصرها وحاميها
ابو خالد كريم النفس وحبه بالحشاء مدقوق=زعيما ما خفق قلبه اذا هبت سوافيها
ابرجع وارسم الفكره لو اني قبلها مسبوق=مدام ان هاجسي يطرب ويعطيني قوافيها
الا ياسيدي لا هنت ما يخلد سيرتك طاروق=كتبتك في معاليقي قوافي فاض صافيها
اميراً للشمال اللي يدين لطلتك بحقوق=يقول اللي خذا مني وصايف كنت أماريها
فساحة صدري وطيبي قساوة بردى المعتوق=كرم وافعال مئثوره لابو تركي وبنايها
تبوك الورد تتغنى وتهدي وردها والشوق=تباهت بك امير المجد تبوك وانت معطيها
مشاريع وحضاره والتطور يستبيح الموق=يسر الناظر الحاظر تدوم وانت منشيها
الا ياسيدى والله انا قافي وقف مخنوق= عجز يوصف عجز يرسم حقايق فيك يوفيها
مدامي حي (ن) وموجود وينبض خافقي وعروق= انا فدوى البلد يا امير دامت عين راعيها
للشاعر / عوض بن طالب الفاظلي البلوي
رد مع اقتباس
المفضلات