يا ذيب

حبيت أشارك بهالقصيده للشاعر / حامد زيد وأرجوا أن تنال إعجابكم ::::
يــــــــــاذيب




ياذيب جر العوى إزعجه وين
وين العوى ياذيب صوتك عشقناه
جره وأنا باهديك من القلب بيتين
نذكربها ياذيب قاف بـــديـــناه
واجاوبك بالحان حزن وعناوين
لين الدموع تفيض والهم نجلاه
واذكر لك الخافي وماشافت العين
واللي جراللقلب من جور دنياه
الذيب لو يشكي شكى هم ثنتين
أما بالاه الجوع أو قارصآ جاه
لا واهنيه يوم يرقى الجبل لين
ياصل بعيد ويزعج الصوت بعواه
مير البلى منهو همومه ملايين
لو تنجلي مليون ملايين تتلاه
الهم في صدري كتب له عناوين
إن ماكتب يصعب على القلب ينساه
لو باشتكي همي لقاضي المساجين
برى الجميع ومأبد السجن نجاه
حتى الرضيع اللي على الوقت يومين
يشيب راسه خايف الدور ياطاه
وقتي كما الشعب المعنى فلسطين
والحظ له شارون وبانت نواياه
وياويل من حده زمانه على اثنين
حظآ ردي ولا عضيدآ تناساه
وصارت حياته تجتول بين نارين
نار الأمل مع نار علمآ تحراه
ويالعن ابو حرن تلولس بلاسين
يصنع جميل ويحسب الناس تقناه
أشرب هماج ليا تعانقت مقدين
وألقى القراح ليا توكلت برضاه
عهدآ علي والعهد في وقتنا دين
لأحزم صليب الراس ومافات بنساه
وأشيل أنا حظي فوق الذراعين
وأصيح أنا بالصوت يارب ممشاه

يعطيك العافيه يالغالي

قاسم ابن عياده العصباني
,

سلمت يمينك اخي الغالي ,,

وصح لسانك ولسان الشاعر حامد زيد

ودمت بود